هذه قصيدة الشاعر / شافي بن راجس العامري السبيعي بعد زلزال شاطي الراحه ونقول له بيض الله وجهك وتستاهل حبة الخشم :
.
.
.
ماشفت ناصر يوم رج العرب رج=في شاطي الراحه بدعهـا مثايـل
يستاهل التقديـر وسـط المـدرج=والي على الشاشات سوو الهوايـل
يشرف الكرسي ولاهوب منـرج=والي جلس جنبه يصيبـه ملايـل
ناصر يصب القاف ويدرجه درج=يمثل الغلبـاء صبـي الصمايـل
سبعان وقفتهم على عالـي البـرج=تبرز ليـا عـدة فعـول القبايـل
وباقي القبايل مالحقنا بهـم هـرج=كلـن يثبـت موقفـه بالفعـايـل
قلته وانا من لابتن تسكن الخـرج=ورمـاح والوديـان دار الحمايـل
هذا كـلام الـي لشعـره تفـرج=ما للمثايـل غيـر راع المثايـل
وان قلت الفرصه وجا موقفن حرج=(تكفون يالغلباء معـه بالرسايـل)