في مكان ما .ومن حسن الطالع استطعت القاء القبض على راس النايف وفالح السبيعي وهم متلبسين بالجمال والروعه والمتعه في أمسية من أجمل الامسيات التي اقيمت بعيداً عن هنا ولكن الفضول وحسن الحظ جعلني اتذوق هذا الجمال وهذه الروعه من الشاعريه العذبه والرائعه.
فكرت ان احتفظ بها لنفسي ولكن عدت لاقول لكم شاركوني هذه المأدبه الفاخره بدرر ونوادر هذين الرائعين.
ابوبندر
سلام الله سلام الله لراس الشاعر النايف=رفيقٍ في المعاني محترف ميه على ميه
تقول البارح إنك من رياح المنطقه خايف=تخاف الريح لا من جت شماليه جنوبيه
راس النايف
هلا يامرحبا في مرحبا بالصاحب الكايف = رفيقٍ رفقته تسوى كنوز اهل السعوديه
مثل مانته بعينك ياوسيع المعرفه شايف =انا اشوف الرياح العاصفه ماهيب عاديه
ابوبندر
يـدووم إلك البقاء واللعب صار مباشر ولا يف=تبثه للجماهير القنوات الفضائيه
ليا من جاك راع الديره اللي شرقي الطايف=وعد السالفه والسالفه ماهي طبيعيه
راس النايف
عجب لله كيف تبث ياستار يارايف = وانا وياك يارجال في دارن خلاويه
وانا لاشفت هايف قلت له وش فيك ياهايف =سواد القلب ماخلاك فينا تحسن النيه
ابوبندر
تقوله وأنت تدري بالخبر لاحافه الحايف=ملوك الجن تسمع لك وأعرفك معك جنيه
أنا من وضع بعض الناس وسط المجتمع عايف=قلوب الناس عندي ياوسيع العرف مقريه
راس النايف
اقوله وانت مايمشي عليه حكيك الزايف = ولكن سلعتك هذي ترى ماهيب مشريه
وانا والله يابو بندرباجاويد العرب رايف = ولاودي على روس الاوادم تكبر الهيه
ابوبندر
رفيقك ما يطوفه من علوم أصحابنا طايف=تجيه علوم ناس علومها بالحيل مخفيه
ورى بعض الرياجيل يتسمع هرجة الوايف=ألا ياضعف هقواته وألا ياكبر أذانيه
راس النايف:
ترى هرج الردي ماهوب لاناقص ولاضايف = ومن ودا لك اخباري يجيب اخباركم ليه
ردي العقل مايفرق مابين التن والفايف = وهذي سلطتن من عند خالقنا سماويه
:
: