عمريةٍ جيناك مـن قلعـة النيـا"" جينا علـى عشرالركـاب ارداف
جينا مـع زيـزا حمـادٍ متاهـه"" على صيّعرياتٍ صغار خفـاف
شرف رقيبتنا بمـا بـان فدمنـا"" وجانا معيـفٍ هايلـه ماشـاف
يقول قومٍ يرعب القلـب كثرهـم"" للـي يوقمـهـم ثــلاث آلآف
غاروا علينـا يـوم شافـوا قلنـا"" وردوا حيـام وصـدرو عيّـاف
تهيالنا في بنقـرة سنـام دويسـه"" يشبع بها ذيبٍ جـراه اضعـاف
نقرة سنام لاسقاهـا وبـل الحيـا"" ولانزفت عقب الحقـوق عـذاف
ياكـن تعالجنالـيـا ضيقوبـنـا"" معالج سبـاعٍ شاعهـن عـلاف
وياكـن وقيـد ارماحنـا بيماننـا"" سعيرة ضوء وسط غابـة غـاق
اباامدح علي وابن نومـان هاجـد"" وحمد لنا في الضيق مثل سنـاف
ذبح ثمـانٍ قبـل تبـرك ركابنـا"" عسـى تعـدا عمـره الإتـلاف
حمد ومنصور ظفرانٍ فـي اللقـا"" ضياغمٍ في الهـوش ولأشـراف
والوائلي ناصر سـراع عثايـره"" من بندقه ساق الحصان أشظـاف
ويانعم ياولـد الكبـودي عامـر"" يستاهل اللي له ثمـان ارهـاف
الجادل اللي كالقراطيـس خدهـا"" وقرونها لاجـا الجليـد الحـاف
وعبيـد المنعـور طعّـان بالقنـا"" ماكـنـه إلآ بينـنـا وّقــاف
واخذ بجران من الربـع وشطـره"" حرٍ بدا فـي عالـي المشـراف
حيث ان بجرانٍ ليا ضيقـوا بنـا"" لـه بنـدقٍ ماخانهـا الشّـواف
وليا تشابك بيننـا الحـد والقنـا"" يبيـن فعلـه صامـل الميقـاف
بـداحٍ وبجـرانٍ صناديـد لابـه"" عيـال عمـرٍ فعلهـم ينشـاف
واللي بقوا ماقلت عن وصف فعلهم"" لهم من البيضـاء ذراً وللحـاف
حنا نطحنا النتفق قوم ابـن ثامـر"" وظفران ماصدوا لهـا محـراف
ياكثرهم وأنا على عشـر حـزب"" احمدك يامنجي مـن ألأصـداف
نطحناهم بمخيـراتٍ تنثـر الدمـا"" وعيـال عـمٍ فعلهـم ينـشـاف
وخسّرناهم مايه وعشرين سابـق"" وتسعيـن رجلٍكلهـم عــرّاف
بلوقـم وإلاماقـدرنـا نعـدهـم"" في ساعةٍ ضيق والرياق انشـاف
ياكن جثايا الخيل في ملعب النضاء"" هشيـم تذريـه السيـول ارداف
ياضبعةٍ بالزور عرجـاً برجلهـا"" ترالك بين الروضتيـن اجيـاف
كلـه لعيناحـرةٍ مـن جيشـنـا"" ظهرنا منهـا بالوجيـه انظـاف
تسعين سيفٍ علقـن فـي حقبهـن"" مسلّـلاتٍ مابـهـن اعــلاف
ياطارشٍ منا لاجيت ابـن ثامـر"" يلبسهـم عقـب التّـرام اغـداف
حنا بنـي عمـر سلالـة عامـر"" قومٍ على الكايـد ماهـم بخفـاف
ماقصرت ياابن مشعب
وقصتهم مع المنتفق معروفه وشجاعه حقيقيه وقصه من قصص الاقدام وهاذي والله المعجزه الحقيقيه وعليها الكلام للغلباء
وقد علمني والدي رحمه الله بهاالسالفه وبيض الله وجهك على القصيده اللي تأكدها
تقبل تحيات اخوك / السهلي