[مترك ثواب]

سبيعي وربي الله بيض الله وجهك وصح السان القريشي

سلام الله سلام الله على كل من قراله بيت=على من يسكن الخرمة على من هوّ سكن رنيّة
بسين ٍ جيم ومزن ٍ ديم هلا يامرحبا حيّيت =ياراع الالف بنقطة وحرف ياكنغ الساحة الشعبيّة
قريت الخط مـع بنت ٍ بلا محرم نسل عفريت= بحرف ٍ جزم وحرف ٍ جر وحرف ٍ مد وقافيّة
وبعد ماستسلم ٍ كل الكوّاكب للامر لبيت=على وضح النقا محي ٍليّ أروّاح ٍ هجوسيّة
على نفس البحر نفس اتجاة البارجة جريت = بجزر ٍ مد ومد ٍ جزر وست ساعات يوّميّة
على راس الهنوف اللي بلتني بقربها شبيت =بنار ٍ تشتعل فيني ..مثل ما أشعلت فيّة
على كل النجوم اللي تعاكس شمسها سريت=إلا ..ابعد حدود ٍ لوّ بوّصفها خيّاليّة
على عرض السماء شاهد يانازل بالسهل هجيت =يقود القوم ومتشطر ٍ على الساحة الجنوبيّة
انا ماهاضني إلا ولي ٍ حيّ ولالة صيت =ياميّت ٍ حيّ وبرد ٍ فيّ وضحكة سنٍ منسيّة
على سن الفقيد الحي تحط النار ولاحنيت=هذاك اللي على سنة تحط امن الجمر حيّة
تبارق لي وتبارق لك تسع منها إذا عديت=رفعها الله وقامت تعكس اشعاعات شمسيّة
مثل من فارق الدنيّا سبايب حُبة الجوليت=دموع العين وتكتبة عقب موتتة مرثيّة
ومثل من خاطر بعمره ياحي ٍ حي ياميّت ٍ ميت=هجد ذود الملك والعزم له سيف ٍ وشبريّة
ترا لوّني بسوّي ما اسوّي بحقكم ماوّفيت=ولاخير ٍ بالرجل لوّ ماتجيبة نخوّة احميّة
سوات اللي يبيع النفط ويرجع يشتري له زيت =انا مالله رزقني باللي باع الالف بخمس ميّة
على شانه توّن وشرق ٍ بكل الملا صليت =على شانه تقوّم الحرب وبفنون ٍ جلوجيّة
على شانك (يابوفارس)اهد بيتٍ وشيّد بيت =حروف ٍ لوّ بوّصفها قلبن لي جيوشٍ حربيّة
على شانك (يابوفارس)على شانك انا رديت =بصواريخ ٍ موّجها ولكل منها حداثيّة
على شانك هزمت الليل وفي ظهر القمر عليت=على شانك على شانك نسفة الكورة الارضيّه