اخواني الاعزاء السلام عليكم ورحمة الله وبركاته والمعذره على انقطاعي عن الدخول باستمرار في منتدانا
عيوني بعد غيبتك ياصاحبي سهره=وصدري تزاحم فيه ياشوق عبراته
ليا جيت اسولف تخنق اهروجي العبره=وليل يباته داله القلب ماباته
بكت عيني القشرى من البعد منقهره=وكبدي لذيذ الزاد عافت ملذاته
ونفسي بعد غيبتك ضعفت ومنكسره= احب الخلا والقى الوناسه بسجاته
وجودي عليكم وجد عود مضى عصره=ولاله عيال وحاقرينه قراباته
وصكات بقعا بالفقر ضيقت صدره=وزودٍ على صكات بقعا بنياته
يبي سترهن والحال ماهيب منستره=ولاله جدى ياكود صبره ودمعاته
هذا وجد قلبي مثل وجده بعد صبره=وانا عارف ان الوقت يتعب بميلاته
عسى من تعذر عندكم ينقبل عذره=وتشفق عليه اقلوبكم من مضراته
وتقبلوا تحيات اخوكم مرزوق الفراعنه