أخذت القلم والبوك في ساعة الاسحار = باسجل عباراةٍ بفكري طوابيري
هجوسٍ تبلاني وسيطر على الافكار = افكر واحلل مير مافاد تفكيري
افكر بهذا الوقت وش صار وش ماصار = زمانٍ يشيخ مالكين الدنانيري
زمانا حدى ذيب الغداري على عمار = يجي له ويبدي له معزه وتقديري
زمانٍ به الطيب رفيع النسب والكار = يوقف ورى البيبان من دون تعبيري
هذا والله الي دار سلم العرب واندار = امورٍ عسى الله يجعل اختامها خيري
تلاقي عيال البوم هم قادة الاحرار = فرضهم على ذا المجتمع دهنت السيري
فرضهم خسيسٍ همه الفلس والدينار = على حساب غيره كاتبٍ له تقاريري
ليامن رصيده كثر في البنك جا بيطار = يجلس على المركى بوسط المناعيري
يبالغ بمدحه ثم تكتب به الاشعار = من افواه ناسٍ ماتسمى شواعيري
اقوله وانا ماعم مجموعة التجار = على العكس فيهم طيبين ومشاهيري
عيال الحمايل لاقدح في الفتيله نار = زحول الرجال الي تقود الطوابيري
ليا جا اللزوم تقوم ماهمها الاسعار = لفعل المراجل ماتحسب المخاسيري
وانا طالبك يامجري الفلك والاقدار = يامخرج ولد يعقوب من جمت البيري
انك تبدل ضلمت الليل بالنهار = وتصلح لنا كل السنين المناحيري
على شان راعي الطيب يوفي بحق الجار = ويفزع لمنهم للمعونه نواطيري
ولا خير منها كود تكبيرة الاسحار = ورفع اليدين لمن عليه التدابيري
وصلاتي على الي مرسله عالم الاسرار = رسولٍ دعى لله والحق والخيري
وتقبلو تحيات اخوكم مرزوق الفراعنه