[خيَّال الغلباء]

يقول الشاعر / سياف بن بطي بن سياف الصاري الأكلبي عندما شفت الناس اختلفوا اللي ما هو بشيخ يقول أنا شيخ وعطوني ختم وتباغض الناس حتى الأقراب والأنساب قلت هذه القصيدة :

يالله يالي من ترجاك ما خاب=يا مسندي يا رازق كل راجي
أسألك الجنة بيوم له حساب=يوم يهول العقل يالله الخراجي
الناس تحته مخضعين بالأرقاب=لا عاد به صوت ولا به لجاجي
وكل على صدره بيقرا له كتاب=وما عاد له عما كتب له مماجي
أحد مع أهل الخير والحظ له طاب=وأحد بنار واللهب له سجاجي
أشوف لي دنيا تقلب تقلاب=تشيخت فيها فروخ الدجاجي
تباغضوا حتى القرابة والأنساب=وأذل ما شفنا على الناس ياجي
ما قرت الدنيا لأبو زيد وذياب=ومن جورها قفت بجمع العواجي
الي تعدى ذكرهم عند الأجناب=مخلين سرج الخيل يوم العجاجي
من عقبهم سعدون بالحزن منصاب=وعزي لعين من كثير الخلاجي
تبكي شيوخ تيهوا جرد الأرقاب=في ريبهم ترعى الهيت ما تعاجي
والموت ما خلى النبي سيد الأصحاب=محمد الي مثل نور السراجي
وصلاة ربي عدد ما هل صباب=على شفيع الخلق يوم التلاقي

جزيت خيرا يا جزل العطايا وصح لسان الشاعر الكبير / سياف الأكلبي واسلم وسلم والسلام .