[خيَّال الغلباء]

المشاركة الأصلية كتبت بواسطة ابن مطيحن

قصيده لشاعركم / مثيب بن فريج بن مطيحن الصنادلة نرجوا أن تحوز على رضاكم

هاضت هجوسي مع مهب النسانيس=وقامت تواردني معا كل نسناس
وأخذت القلم وأدنيت بيض القراطيس =في ليلة (ن) ظلما ولا حولي أوناس
طواري الحاضر مع أشيا مراميس=تعيدها الأفكار من دون مقياس
ويكفي على قلب المغربل هواجيس=وتكفي هموم القلب لا ناموا الناس
ولا أبديت سدي للرخوم المفاليس=ولا أشكي لغير الله ولا أطمن الراس
يالله يا رحمن يا مخزي إبليس=تخزي معه من كان حاسد وبلاس
سود الليالي تظهر أهل النواميس=هي مختبر ليام والعرق دساس
وعيش (ن) بعزت نفس لو به تواعيس=أخير لي من رفقه أنذال وإخساس
يا ما حلا في مربعا ما بعد ديس=ما شيف به كهرب ولا تسمع أجراس
برا تحليه الجبال المراويس=ما داج فيها كود قانص وعساس
واللي بدوا بمضمنات النواديس=شافوا قطيع الصيد من كل الاجناس
شافوا الأدمي للوعر قادها تيس=واللي يحب الصيد ما أحرى بالإفلاس
تمالوا لدرقه وقاسوا مقاييس=وقامت روابعهم تجي أخماس وأسداس
وثار الدخن من وسط بيض الترابيس=تستر عينك صابه الذوب وإنحاس
هذي حيات (ن) تعطي الروح تنفيس=وهي خير من كتم المشاعر والأنفاس
وتمت بذكر مأسس الكون تأسيس=محيي هشيم القاع من عقب الإيباس

أخي الكريم / مثيب بن فريج بن مطيحن السلام عليكم ورحمة الله وبركاته وبعد : صح لسانك وسلم نبضك وبنانك على هذهع الرائعة في المقناص مع أطيب الأمنيات واسلم وسلم والسلام .