[ناصر بن مناحي]

عاينت من بين المراقيب مرقاب=وعدّيت فوقه وهاضني برد نسناس
وفتّحت من باب الشعر عدة ابواب=وحيّيت من بدّ الهواجيس هوجاس
ثم قام يطري صاحبن جا ولا غاب =والغايب اللي ما تجنسه الاجناس
جنّسته بقلبي رفيقن ولا طاب=وغيرتها للروح معدال ولا باس
اللي عطاني من مواجيب الاصحاب=طعنة ظهر بكليب من رمح جساس
كن الخفوق بخوته فرد ما صاب=وكن المديح الي مدحته بلا ساس
خطرف لي الطنبين من بد الاطناب=طنب المعزة وطنب من طيب الاحساس
وطبيت طبة مستهينين الاصعاب=وغمضت ف الطيحة على بر نوماس
لو بان مني نقص لا باس بعتاب=وان بان مني زود مابيه ينداس
شفته كبير الحظ مخلوف الاتعاب=ما وسوسه في الطيب وسواس خناس
والا ضعيف النفس ما جاور اغراب=ولا يسل السيف في وجيه الانجاس
من جاس في درب المغانم ولا جاب=اطيب من اللي ما تعنى ولا جاس
والحاضر اللي طق في القلب لو باب=لو غاب له في داخل القلب مجلاس

وسلاآآمتكمـ