[جمال هذيل]

[size=6]حمد السعيد تمخض الجمل فولد فأرا

ذلحين بالله تكيل المدح لكل من هب ودب...ولا لقيت تنتقد إلا ناصر على مقطع بسيط يذكر فيه المرأة,وتقول المسابغة(باللهجة الكويتية)ماتحتمل هالكلام غير (اللائغ)

أي مسابقة وأي كلام ياحمد السعيد,وبعد مقطع الفراعنة دخلتوا البنات في المسرح يتراقصن؟؟؟!!

وأي كلام ياصاحب الاحترام وأنت تعترف بالبغاء علنا في آخر بيت من قصيدتك(المتينة السمينة):


للزين قالوا من قديمٍ علامات
عينٍ ومبسم والجسم والرشاقة
***
لكن كسر هالقاعدة هالمتينات
من واقعٍ ماهو كلام وبلاغة
***
اللي محليهن ولو هن ثقيلات
دايم خفاف الدم وفيهن لباغة
***
الله ياهن يا جماعة لطيفات
وعلى الكلام الحلو فيهن طلاقة
***
ماهو ضروي بالرشاقة رشيقات
وزود الوزن ماهو بيعني إعاقة
***
صحيح بعض اللبس يعني إهانات
الوزن بالضيق عديم العلاقة
***
بس مو ضروري يلبسن سترجات
يا زينهن واللبس واسع نطاقه
***
لا بارك الله فيك يالضيق بالذات
ترى السعة مرات تعطي أناقة
***
قالوا الرجيم اليوم هم البنيات
قلت الرجيم أدري يبيله فراقة
***
وقالوا رياضة قلت ما هن مريضات
للسكري لا مامعاهن بطاقة
***
قابلهن الله بلا رجيم ورياضات
بهديلهن مني من الورد باقة
***
هن دفئ هذا المجتمع هالرقيقات
هن ملحٍ هن سكر لذيذٍ مذاقه
***
هن لا سألتوني عن الحب بسكات
بقول هن فيهن على الحب طاقة
***
ماهو كلام اللي كتبته وإشاعات
أنا إربطتني مع متينة علاقة

ماأقول غير الله يرحم مزنة عفوا قصدي يخليلك منيرة ياحمد السعيد..اللي خلتك تنتقد فرعون الشعر[/size]