[خيَّال الغلباء]

بسم الله الرحمن الرحيم

+ مـطـيـر تـزبـن عـلـى قـبـر الـصييـفـي ( القصـة المشهورة ) + كامـله وبـالأدلـه .]

المشاركة الأصلية كتبت بواسطة عامر بن صعصعه

مساكم الله بالخير جميع يا شبابه ويا خناذف

هـذي القصه المشهوره لمطير يوم تزبن على قبر الصييفي :shiny:

أول شي هــو ::

الــشـيـخ و الـفـارس // فهيد بن مبارك الصييفي شيخ قبيلة النبطة من الخضران من بني عمر من سبيع

والشيخ فـهيـد له مـكانه عاليه عند سبيع وعند القبايل الثانيه

وكـان يـغـزي في نــجــد و في العراق

وفـي الـعـراق كـان ابـن سعدون ( امير قبيلة المنتفق ) مـتحالف هوياه

وعـنـده مـجلــس فيه 300 ميـة شــداد يوم العرب في فقر وجوع


وعندما هاجر إلى العراق في آآآخر حياته قـال قصيدتـه المشهوووره :ـ


ســق الركايب واكره النفس بـازعـال واصبر على قطع الفجـوج الـخـليـه
المرجلـه قــد والاولاد مــحــــــــــــال قليل من يصبـر علـى المكرهـــيـه
طوال الخطى ماتقصر العمر وان طال مـادام ربـي ماكــــتـب لـك مــنيـه
ان ساعفتلك قيل لي مــاض الافعـال وان عاضبت قالوا علومـه رديـــه

وهــو صـاحـب قصيدتـه المشهووووره اللي فيها من الحكم الشي الكثير : ـ


لاوعنـاي وفاطـري واعنـاهـا من لايلاوي العسر مايدرك اللين
كـل تظلـل فـي بيـوت بناهـا وانا على حمرا سواة الشياهيـن
كم عقلة قـد وردن بـي جباهـا وكم ليلة جينا على الجيش سارين
كم حرة في القيض نرقع حفاهـا في لاهب الجوزاء وحنا مقفيـن
كم فاطر قامـت تدانـا خطاهـا نـوب مقفيـات ونـوب مقبليـن
وردن بنا العوجا طويـل رشاهـا وغرافنا سالم صعوط المجانيـن
خليـة قـام ايتطايـر قطـاهـا وزود عليه الجيش وحنا مدركين
وصلن بنـا ديـار بعيـد مداهـا اخذنا الدبش منها وجينا مفلحيـن
جينـا بقطعـان توامـا ذراهـا كسابنا يفـرح ونحـذ المفلسيـن
معنـا رجـال مالحقنـا مداهـا بني عمر ربع على الراي صعبين
ومعنا رجال تعجب اللـي نخا هـاعوامر دايم على الهوش ضارين
كم هجمة خليتهـا فـي خلاهـا ما عند اهلها زاد ناس مجيعيـن
وخليـت رواي رويـة رواهــا وخليت مـداد لاهلـه متحريـن
وباطلب الله عنـد ربـي جزاهـا لاجاء الحساب وقربن الموازيـن
.................................................. ..............................................


وسـالفـت مطير وزبنتهم على قبره هي ان الشيخ والفارس // ضـويحـي الـعمانـي ( بـعـيد المغـازي )

رايحن هو و ربعه غازين على احـدى القبايـل وعند رجعتهم وكسبهم للحلال وللغنايم ..!!!

الا المطران مخالفينهم يم ديارهم وجـا اخوي موضي وربعه لاحقين مـطيـر وهم يعتزون ، ومن عزوتهم درو المطران انهم من العمانيه وانهم سبعان

فيوم ظــاقتبهم الأرض زبـنـو على قبر الـصييفـي وقالو لضويحي ترانا زابنين على قبر ميتكم

قال ضويحي : فهيد يجير حي وميت وعفى عنهم وفكهم الله والا موتتهم بسيطه ، صكو عليهم العمانيه ولو بغوهم كان طيرو روسهم

بس انهم زبنو على قبر الصييفي وهو مقدّر عند الجميـــع

والسالفه ذي لها شـواهـد وادلــه واجــد منهـا قصيدة فـالح ابن خـثـلان :ـ


قوم لجوا بفهيـد عفناهـم جهـــار *** شيمه عرب ورجال والكذب مرفوع
غدو على قبره كما وصف خطـار *** قالوا ترى ما عند هالقبر ممنــــوع


وقصيـدة كـديميـــس الـعصيمـــي :ـ


و الشاهد ان مطير فيهم شطـاره محدن لقاها غيرهم بالمحاظير
ليا عارضو جمعن وتم انتـــصاره يلجون لقبور الرجال المشاهير
قبر الصييفي قد طلبتـو جـــواره يوم ارهقوكم باللحوق المغاوير
خطرتو لقبر السبيعي خطــــاره سمعتو انه يعتني بالخطاطيـر
يلزم عليكم يالمطيري مــــــزاره يو احتماكم من سيوف المناعير




وهـذي قـصيدة ثانية لـكديميـس الـعصيمـــي وهي تثبت السالفه ايضـاً


تحلقتوا على قبر الصييفـي تقـول اقبـاط على معبد الاقبـاط فـي وسـط غرناطـه
000000000000000000000000000 تنـازى بسبعـان علـى المـوت قلاطـه
000000000000000000000000 بلاكم سيـوف سبيـع للـروس مساطـه




وقال الشاعر / الأشــعــل بن فـيـصـل الـخـريـصـي الـشـمـّـري :


أهل البيوت اللي تعز ّ العانـي وسيوفهم سمّ (ن) على معاديها
إبن الصييفي صيتهم نسمعبه عيال النبيطي زبّنـت عانيهـا
اللي عقيد القـوم لاذ ببيته يقول وين فهيد ؟ يـا حاميهـا
أنا دخيل فهيد لو هـو ميّـت وبعض العرب ما يدخلك حييها



وتحيه طيبـه لكم ولمنتداكم الناجح

وانشاء الله تكون مشاركتي فـعّـاله وآمل اني قد افدتكم بـالقصـة ...