[ابن دهيم]

السلام عليكم ورحمة الله وبركاته يا بني عمّي


الله يقويكم ويسدد خطاكم جميع ويكون آخر الـ :11ight: فرحة


ماهي من باب الدعاية أوالاستعراض فمالي فيها منها لأنها رابحة لابن العم اللي رفع روسنا جميع


بس حبيت أبلغكم إني وصلت 4 أرقام عندي للحد الائتماني ومجموعها 20000 ريال كل رقم 5000

بعدها اشتريت بطايق شحن بكامل رصيد البطاقة الائتمانية وهو: 15000 ريال ووزعتها على اللي بيصوتون إضافة لرقم سوا شريته وبقيت له كم بطاقة شحن أطقطق فيها.

واليوم أبشركم سددت فواتير الأرقام الأربعة وبادهر عليها كلها ليمن أشوف البيرق بيد أبو فارس.


مسوي طريقة مريحة في الجهاز الكفي اللي معاي فيه برنامج اسمه sms manager بصراحة أنا لقيته في الجهاز

فيه طريقة مثل توقيت الجرس تحط الوقت والتاريخ والرسالة وهو يتكفل بالباقي

فأنا خليته يرسل رسالة كل دقيقتين وبكذا يوصل الرقم حده الائتماني في أقل من يومين، أغير الشريحة وأستمر في إرسال الرسايل بنفس الطريقة.

اليوم لأن ما فيه مجال أنتظر خليته يرسل رسالة كل دقيقة وشغال على الأرقام الثانية



مثل ما قلت في بداية الموضوع السالفة ماهي سالفة استعراض أو مفاخر إنما هي رسالة لبث الحماس أكثر للجميع فلم تبقى إلا سويعات بسيطة وعقبتها كلنا بنبارك لبعض



بارك الله في جهودكم ونبارك لنا ولكم قريب :)


محبكم أبومحمد - من الشرقية