|
من عاش بالحيله مات بالفقر ... حبيت أفضفض
كُتب : [ 09 - 04 - 2008 ]
السلام عليكم
أولاً مبروك فوز ناصر الفراعنه بقلوب الملايين
برنامج شاعر المليون ( تحت هيئة أبو ظبي للنصب )
هيئة ابو ظبي مجرد مشروع تجاري غير شرعي هدفه استغلال جيوب المحبين للشعر وأهل النخوه
أدري ماجبت شي جديد
بس من اليوم اسمع طلبات من الشعار السعوديين عدم المشاركه بالنسخه الثالثه !! ليش
ليش حنا ما نقاطع البرنامج ونمسح القناه من الرسيفر
أنا عن نفسي حذفت القناه وباقي الرسيرفر الثاني
كلنا نعرف أن سياسة التصويت حرااام
أنت يالعضو والزائر لك حريتك الشخصيه بتوقيعك خلونا كلنا نقاطع شارع المليون
خلوهم يعرفون أن ناصر ماخسر البيرق هم الس خسروا ناصر وجمهوره
وصدقت والله يابو شيبـه بس محد اقتنع بكلامك يالزعفران
أجل تقيم اللجنه 46%
والجمهور 2%
والمجموع 48%
لعنبوه ابو يمن أكثر منا تصويت
ما أقول الا اللّه لا يحلهم ولا يبيحهم على كل رساله تلاعبوا فيها
صدق والله عامر بن عمر . ويقول السعيد ( تشكك في مصداقية اللجنه !! )
لا عزالله محد يشكك الا يأكد في مصداقية اللجنه
اللجنه الي مصداقيتها 2%
وناصر كبير كبير كبير وجمهورهـ حتى من الأمارات .. وهو حاس انه بيطلع من قصيدته اليوم لما قال
( جيت على ناقتي وبرجع عليها ) وقصيدته الي محد فهم المعنى بالتحديد
وأنا عن نفسي بفسرها لنفسي مو لكم ومن حق كل شخص يفسر على كيفه بينه وبين نفسه
الي فهمته من القصيدهـ جالس يدق في شاعر المليون
خطير والله خطير يتكلم عنهم ولا فيهم الي قدر يواجهه
الله يعطينا طولة العمر ونسمع القصيده اكثر من مره ونفهم
مشكورين على حسن استماعكم
والله يعوضك يازعيم الشعر
في النهايه ما أقول الا نهايتك قريبـه يا شاعر المليون أذا هذي بدايتك
وقريباً تموت فقران وتعلن أفلاسك
ومثل ما قال ابو فارس
صيحتين في قفى الذيب يقفاها العجاج
تقبل ودي وأحترامي
|