[خيَّال الغلباء]

المشاركة الأصلية كتبت بواسطة الطايفي

كبير يا ناصر وقدرك مثل ميقافك كبير = بالله .. لا يزعلك تفريط العرب وافراطها
إن شفت خير ابشر بخير .. إن شفت شرّ ابشر بخير = كم هجمةٍ حسنا مخططها وتم احباطها
وليا وصل حد التلاعب بالامانه والضمير = ماننزل لمسرح دنائتها وقبح اوساطها
من فجّر الذمه بكلمة زور ومجامل أمير = ما ينفعه يوم القيامة ضحكها وهياطها
من عاد يوفي في الإدارة دام خاينها المدير = خلاص ملينا من ارياها وكثر خراطها
حسبك من الدعوى شرف .. وأنته شريف وهو حقير = تفدى مواطيك الخبول اللي تعدّ نقاطها
والله ما زدنا بك الا حب ( يالبحر الغزير ) = يوم انها حدت مشارطها وشاط شياطها
خبير يا ناصر ولا تبغى شهادة من خبير = كهرب قصيدتك الاخيرة شب فيهم واطها
نجمك سطع بين النجوم وصرت بالشهره جدير = فكرك حوى ذرب العلوم وصاغها واحاطها
خلك على دربك وحنا معك للخط الاخير = قدام لا تستكمل الساعة جميع اشراطها

منقول

أخي الكريم الشريف المنيف / عايد بن حسن الطائفي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه الدرر المنتقاة بعناية وأبو فارس فاز وتوج بقلوب الملايين من متذوقي الشعر الأصيل والحمد لله على كل حال قال شاعر ملحمة سبيع مسند بن سعود المجماعة السبيعي :

وإن سلت عن الأشراف لا وصل ثقلهم
= هم الرجال اللي لهم عنوان

يا نعم يالأشراف وأنتم هل الشرف
= ولا يجحد الشجعان كود هدان

هذا وتقيل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .