قصيدة للشاعر
عبدالعزيز بن عبدالرحمن الفوزان البدراني الدوسري
بعد فضيحة شاعر المليون
والقصيدة منشورة في منتدى الدواسر
هدّوا ردود الفعل لا تتشنجوا نبغى الهدو=لن الهدو نصف العقل لا تنزعون إلى الهبال
واخو الهدو موفقن راعي حجج مسددو=وآنف الذكر متواتر وسط ساحات الجدال
وأما الهجير دواه نَصُ المصطفى فأبردوا=لكن أقيموها قبل لا ينتهي حد الظلال
صوت العقل إن الفتن قبل الرضاعه توأدو=لن الشرايين بجسدها قابله للاشتعال
بس ما نبيها الجامعة نستنكروا ننددوا=ترك الإجابه أطيب لنا لايعرينا السؤال
إلا ازعلوا واستفسروا وفندوا واستأسدوا=ورددوا وأكدوا ما ضاع حقن للرجال
ترى الحمل هد الجمل مير الجمل قال أركدوا=أنا لها وأشهد بأنه هزبرن لقال طال
ياكل ولا تلقى أثر يومن غيره بددوا=فنجاله الصيني تمنظر فيه خال من الحثال
واللي معه من منطلق ما قصروا ويحمدوا=جابوا الثمار اليانعة مقدماتن في سلال
والظاهر أنه قبل نبدأ والهدف محددو=هذي تكاشف حتى للي ما بعد لبس العقال
وازريت لا القى لي خبر بس الأكيد الآكدو=عندك يا ابن منظور ناصل للجبل بعد التلال
ورغم التمدن نحمد الله في أصالتنا بدو=نزهد في قرب الهينة ونموت في صعب المنال
راعي المعسل مايعيب الا على راعي القدو=وصاحب سمو ما ياصله ذووا سعادة أو معال
يا حر طعنات الصديق ولذ طعنات العدو=أعظم شرف موت الشرف فامطروني بالنبال
والفرعنة لاجاء غضب في بيت ابن عمه هدو=إما العقل يا أهل العقل أو مرحبا بك يا الهبال
يا صاحب الناقة مع الأحقاف نعدو لك عدو=هاك استلم بيارق الجمهور يا عم الجزال