[الهداد]

ياعنق ريم فريد وحوش = توه بسن الجهل ناشي

اقبل يدوش الضماير دوش = كنه يوطي على جاشي

وعيون نجل يهوشن هوش = دهش وهو بالسكر ماشي
أو
وعيون نجل يهوشن هوش = يذبح وهو يرمش أرماشي

يقود خيل الهوى وجيوش = ماهيب الاقدار تنهاشي

يازَيْن لك ضامري مفروش = وارخص لك الروح ببلاشي

ياريحة العنبر المرشوش = يا حصةٍ بإيد قمّاشي

ياليت حظي ينوشه نوش = مثل المسجل على الماشي

عليه قلبي يديره بوش = حله من العقل وانحاشي

و لا دري منهي له القصيدة؟ اللي عنده يعلمنا