الشاعر / سعد بن حمد الحريول القرواني العزه
قال هذه القصيده يمدح فيها ربعه بني عمر والسهول اهل حفر العتش
لا ضاق صدري رحت يم العرينات .... ولا جيت عند شيوخنا طاب كيفي
أولاد النبيطي أهل علوم قديمات .... دايم نطول بطايلات الصييفي
أولاد الصميلي صاملين بصملات .... طيب بن مجفل في المواجيب شيفي
وسهول فيهم من المراجل كثيرات .... يالله عسى ما في الرفاقة ضعيفي
عسى الحفر وبل المزون الرزينات .... همال رايحٍ من خشوم القنيفي
لينه يعوض أهل المراجل بما فات .... ياتيه وسمي وصيف وخريفي
أهل الحفر فيهم من الطيب شارات .... ذبح الغنم والبل وسمنٍ ذريفي
أهل بيوتٍ في الثنايا مبنات ....... ما لوذوها في المكان الكسيفي
فيها الدلال إلي على النار صفات .... ونجرٍ يصوت للنشاما صخيفي
ومن بينهم ممشى المسايير زافات ..... بحجان زينات وقلب نظيفي
ماضولوا فوق المضاريب شوشات ...... عقال عراف بدون تعريفي
ألا ال ي درج جموعٍ ثقيلات ........ بني عمر يروون حدٍ رهيفي
لهم على الجدان عادات ردات .... اقفايهن اقبال دون الخفيفي
وركابهم قطاعة لكل مظمات .... قطاعة الفرجة البوش الحفيفي
وذيدانهم ترعى الديار المخيفات .... ومن زارهم بالشر ينكس معيفي
صلوا على الرسول في كل حزات .... نبي ربه فوق الأمه لطيفي