[خيَّال الغلباء]

بسم الله الرحمن الرحيم

الشاعر / سعد بن حمد الحريول القرواني العزه قال هذه القصيده يمدح فيها ربعه بني عمر والسهول أهل حفر العتش :-

لا ضاق صدري رحت يم العرينات = ولا جيت عند شيوخنا طاب كيفي
أولاد النبيطي أهل علوم قديمات = دايم نطول بطايلات الصييفي
أولاد الصميلي صاملين بصملات = طيب بن مجفل في المواجيب شيفي
وسهول فيهم من المراجل كثيرات = يالله عسى ما في الرفاقة ضعيفي
عسى الحفر وبل المزون الرزينات = همال رايحٍ من خشوم القنيفي
لينه يعوض أهل المراجل بما فات = ياتيه وسمي وصيف وخريفي
أهل الحفر فيهم من الطيب شارات = ذبح الغنم والبل وسمنٍ ذريفي
أهل بيوتٍ في الثنايا مبنات = ما لوذوها في المكان الكسيفي
فيها الدلال اللي على النار صفات = ونجرٍ يصوت للنشاما صخيفي
ومن بينهم ممشى المسايير زافات = بحجان زينات وقلب نظيفي
ما ضولوا فوق المضاريب شوشات = عقال عراف بدون تعريفي
إلا الى درج جموعٍ ثقيلات = بني عمر يروون حدٍ رهيفي
لهم على الجدان عادات ردات = إقفايهن إقبال دون الخفيفي
وركابهم قطاعة لكل مظمات = قطاعة الفرجة لبوش الحفيفي
وذيدانهم ترعى الديار المخيفات = ومن زارهم بالشر ينكس معيفي
صلوا على الرسول في كل حزات = نبي ربه فوق الأمه لطيفي

أخي الكريم / تركي القرواني السلام عليكم ورحمة الله وبركاته وبعد : شكرا جزيلا لك على نقل هذه القصيدة الجزلة للشاعر الكبير / سعد بن حمد الحريول رحمه الله وأسكنه فسيح جناته مع أطيب الأمنيات واسلم وسلم والسلام .