[جبار السبيعي2]

المشاركة الأصلية كتبت بواسطة أبو فراج

أنا والله مانيب من رواة سبيع .. لكني أحفظ القصيدة وللأسف لا أعلم في أي عام قيلت

وإليك القصيدة

ويقول بن مخشوش

عند الضحى عديت في راس عيطا = رجم يهيـض بادعين المثايـل
واللي مهيضني فعايل بني عمـر = أهل مهار تنثني في الدبايل
رعاية الخوف نزّالة الخطر = كبار البيوت مشيدين الذوايـل
ويقول ابن مخشوش قـولٍ موكـد = قبلي وبعدي مـن يعد الفعايل
أعد فعايل لابتي لا عدمتهم = وأفخر بهم ليا حل قول لقايل
أنا من الغلبا سبيع آل عامر = أهل الشجاعة والفعول الجزايل
إنّا نفلنا الناس بثمان سوالـف = نفلنا بها سموى جميع القبايل
منهن ثلاث عامتنا كلنا = وخمس غدوا بها كاسبين النفايل
الأولة منهن نتيه جارنا = على الكيف يرعى في نبات المسايل
والثانيـة منهن نعرف قصيرنا = ولا نقطع العقلان يوم العقايل
والثالثة منهن تسير مرتنا = لياخاب مذهب خايبن الحمايل
والرابعـة منهن فهيد الصييفي = من فوق هجنن يسهجن القوايل
ما يأخذ الحشاش ولا يقطع النقذ = شره على سحج كبار الشمايل
والخامسة منهن للأدغم سلامه = يروي سيوف مصقلات السلايل
ولا من عطى عطيةٍ ما يمنها = يعطي النجايب والمهار الأصايل
ولا من زبن بـه مجـرمٍ لا يذنبه = جاء الحول ما جاء فيه عدل ومايل
والسادسة منهن لعجران العمى = تسموى بها عودٍ هروجه دلايل
لا يثني الدلة ولا يذبح المعـز = ولا يذبح إلا من خروف وحايل
والسابعة منهن لابن قطنان بالسخى = عيد الركاب مدرهمات القوايل
لا كن تنيدي عبيده على العشـا = تنيدي بدو شافوا الطرش عايل
والثامنة عشر الركايب وأهلها = مامثلهم جـاء في العصور الأوايل
جتهم سرايا يرعب القلب كثرها = يبغون ذبحتهم وكسب الرحايل
وعيّا عليهم الله ثم بني عمر = برماحهم وسيوفهم والفتايل

الشاعر/ فهد بن مخشوش

أبو فراج بيض الله وجهك ولاقصرت