ياذيب
شـالح بن هذلان التي قالها بعد فقده لابنه ذيب ............
يقول شالح:
يا ربعنا يا للي على الفطر الشيب ........عز الله انه ضاع منكم وداعه
رحتوا على الطوعات مثل العياسيب .........وجيتوا وخليتوا لقلبي بضاعه
خليتوا النادر بدار الاجانيب .............وضاقت بي الآفاق عقب اتساعه
تكدرون لي صافيات المشاريب ................با لعون شفت الذل عقب الشجاعة
ياذيب انا بوصيك لا تأكل الذيب ...........كم ليلة عشاك عقب المجاعة
كم ليلة عشاك حرش العراقيب ..............وكم شيخ قوم كزته لك ذراعه
كفه بعدوانه شنيع المضاريب ...............ويسقي عدوه بالوغى سم ساعه
ويضحك ليا صكت عليه المغاليب .............ويلكد على جمع العدو با ندفاعه
وبيته لجيرانه يشيد على الطيب .............وللضيف يبني في طويل الرفاعه
جرحي عطيب ولا بقالي مقاضيب ...............وافخت حبل الوصل عقب انقطاعه
كني بعد فقده بحامي اللواهيب ..............وكني غريب الدار مالي جماعه
من عقب ذيب الخيل عرج مهاليب .............يا هل الرمك ما عاد فيهن طماعه
قالو تطيب وقلت وش لون ابا طيب ..........وطلبت من عند الكريم الشفاعه
|