عشرة اللهلباج ــــــــــــــــ العضياني
يالله ياللي بقدرك تجري الافلاك
..................ياربي يامحيي البلاد المحيله
انت الكريم وكل خلقك ترجاك
....................تتطلب حنانك يامزبن دخيله
يافارج الشدات بالضيق ننصاك
...................عليك تخفيف الحمول الثقيله
ماخاب مخلوق لجالك وناداك
.................. من لارحمته يالولي وعزتيله
يالعبد لاتشتكي على غير مولاك
...............ما يجدي المخلوق لو تشتكيله
لو تشتكي للعبد ماتاب شكواك
..............ماله على حل المصاعب وسيله
لاصار ماتقضي لزومك بيمناك
...............مقسوم رزقك ماتحوشه بحيله
لاتحتمل المعروف هذا ولاذاك
...............لو قل المسالك والموارد قليله
لا شك نفسك عزها عن دنياك
.................و الرزق خلاق الخلايق كفيله
لا تطلب المذموم للمال مساك
................ما حاش به مال الفخر والنفيله
مال يلمه للمواريث ماغناك
................مثل السراب اللي بعينك تحيله
لاتلتهي بالمال والموت يقفاك
.......................العمر يفني بين يوم وليله
تسير بك سود الليالي لمثواك
...................وان طول المنزل لزوم رحيله
لابد من يوم عذراك تنعاك
........................لابد يوم يقول هيا نشيله
ما فيه بالدنيا مواطن و ملاك
....................كل يسير وعابر في سبيله
كنك تحسب انك مخلد بدنياك
....................فكر وناظر وين جدك وجيله
اسمع كلام اللي على الخير وصاك
....................قوله يحدك للشرف والفضيله
يرشدك لقول المكارم وينهاك
.....................عن موقع به الدنس والرذيله
عن عشرة الهلباج واللاش حذراك
.................من صاحب الخايب يحطه زميله
يريني سوء ابليس اغواني واغواك
......................عميل سوء ولا يربح عميله
عزاه لخوتك كان خاواك
.................يرميك بدروب الردى والفشيله
عليك باللي للشرابيك فكاك
.......................قرم ليا حدك لزومك تجيله
ولا الردي لو هو ولدعم يجفاك
........................ما يخبر الا يستبشر حليله
وش عاد لو تقضي لزومك ليا جاك
................تجهر عليه وفوق راسك تشيله
اليا قضاء حاجته راح يشناك
..................غيرك عمل به طيب وانكر جميله
@العضياني @
بن عتيبه الروقي