[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته ، وبعد : إليكم قصيدة القهوة العربية ، للشاعر الشيخ / هايس بن مجلاد العنزي والملقب بأبو ضلعين رحمه الله وأسكنه فسيح جناته :

قم سو ما يجمد على الصين يا ذياب
= بدلال يشدن البطاط المحاديب

إحمس إلى من من العرق فوقها ذاب
= واستدن ما يجذب عليك الشواريب

نجر يصيح وللمسايير جذاب
= طقّه على طول الدهر للمواجيب

إليا ذلق فنجالها كنه اخضاب
= ورس صبغ بكفوف بيضٍ رعابيب

صبه لمن قاد السرايا للأجناب
= في مفرسه يشبع به النسر والذيب

والثاني اللي إليا لفوا له على اركاب
= بطراف بيته تقل مجزر قصاصيب

والثالث اللي لا غشى الزمل ضبضاب
= يرخص بعمره دون زمل الرعابيب

وباقي العرب يكفيهم التول وإن شاب
= قضابة المجلس حمير المشاعيب

اللي نهار الكون يفزع بمصلاب
= كبار الأنفس ساهجين المواجيب

ويقول الشاعر الشيخ / مدوخ بن ظمنه العبدلي المطيري رحمه الله وأسكنه فسيح جناته :

الكيف خله عند من يشترونه
= والمشكل اللي جابها من بلدها

يا مسوي الفنجال لا تحرقونه
= واحذر عن الشعلة تعدى صمدها

حتى يجيك محمر كن لونه
= مجة جرادة ظاهرة من جسدها

صبه على اللي ربعته يدهلونه
= له ربعة من راح منها حمدها

وعده عن اللي واقف له بشونه
= يمسي ويصبح ضابط لك عددها

ما غير عنده طايرات عيونه
= لا باع شاته جاك حزة وعدها

ويقول الشاعر / محمد بن مسعر العاصمي القحطاني رحمه الله وأسكنه فسيح جناته :

والله ما أستانس وينساح بالي
= إلا إلى من قام يزجر فحلها

وأشوف حيران النياق الغوالي
= تدرج ونار الربع يوضي شعلها

في مجلس والربع ربع رجالي
= والسالفة وإن جات ما حد شقلها

وقد قيل أن الشاعر / حنيف بن سعيدان المطيري رحمه الله وأسكنه فسيح جناته ضاف أحد الحاضرة وهو خرمان بشدة فشرب من قهوته وأكثر فتأفف منه مضيفه قائلاً :

خمسة عشر فنجال لحنيف صبيت
= لو كان بطنه قربةِ كد ملاها

ولم يعسر الرد حنيف بن سعيدان فقال :

لا تحسبني من دلالك تقهويت
= ما تنقه الشرّاب من كثر ماها

يا موصّي الحرمه على صكّة البيت
= تقول ما أنته فيه ، وأنته وراها

والقصائد في القهوة العربية كثيرة جدا عند أهل البادية , ولقد اهتموا بهذا الجانب , وغالبا يتداولون هذه القصائد في ليالي السمر وهذه واحدة من قصائد القهوة المشهورة للشاعر / مبارك بن عبيكة الشمري رحمه الله وأسكنه فسيح جناته :

قم يالمقهوي دن نجر ومحـــــــــماس
= واحمس لنا من حب صـنعا نماها

وصب لممرور على الخيل مدبـــــــــــاس
= تقفي عنه صم الرمك لا نصــــاها

من فوق ما تأخذ علــــى الخيل مرواس
= لا جدعت خبثات الأنفس حـــذاها

واثنه لـــــــــمن حوله على الزبر جلاس
= أهل السموت اللي بعـــيد مداها

ابن عـــبيكة هرجـته ما بهــــــــــــا باس
= تطرب لها كرام اللحى من حلاها

طول الجدار وقصــــــــــرت الرجل نوماس
= لا صار ما للــــــــــرجل داع دعاها

تصـير بعيون الرفــــــاقه معــــــــــك بأس
= لا صـــار ما تدعى من اللي عــــــــناها

يصــــير به قــــالات ويصـــــــــــير لولاس
= ونــــوب من الأدنين يأتي بـــــلاها

قلـــــــبك يصد ويضرب القلب عومـــــاس
= والنفس تقدح عقب زايد غـــــلاها

خـــــلك على بابك تقـــــــل لون حراس
= لا جوا عليها محـــــــترين عشاها

لا جن من الخــــــل الشمالي لها اضراس
= والكل تشـــــكي رجلها من حفاها

نرحب بهم من قـــــــــــبل تجديع الألباس
= نقلـــــــط لهم تمر الحلا من نماها

ونذبح لهم كبش مربع بالأطـــــــــــــــعاس
= ونقــــــــلطه من قبل يقرب مساها

هذي سلــــــــــوم جدودنا قبل من راس
= واللي بعدنا كان ربي هـــــــــداها

منقول وأنتم سالمون وغانمون والسلام .