اخر قصيده لشباب بن باتل رحمه الله تعالى
--------------------------------------------------------------------------------
هذه القصيدة بمناسبة زيارة قبيلة الصمله أهل الخرمة لقبيلة عجمان الرخم أهل الضبيعه من بني عامر وهي آخر قصيدة قالها
جينا على اللي يبعدن المشاويـر
يـوم أنتحـن قلوبنـا وأنتحنـا
تطلقن من دار صامـل محاديـر
ولدار عجمـان الرخـم وجهنـا
عدن جبال طويق من دون تاخير
من دار أهلنا حلـن بـدار أهلنـا
ما عقب مندوب الحريصي معاذير
مـن دونـه الاعـذار ماياسعنـا
دعوة معزبنـا فـدوه المعاثيـر
راع الوفاء والبيض له ينشرنـا
فهيد مثل طويـق والا شمنصيـر
اللي على روس الرواسي زمنـا
لـزم علينـا فالعزيمـة بتكريـر
مواقف أهل الطيب مـا يجحدنـا
وجينا لربع غنيم زبن المخاسيـر
الشيخ سعد اللـي لـداره تعنـا
نسل الشيوخ مهدمين الطوابيـر
أهـل سيـوفٍ بالمعـارك تحنـا
ربـعٍ زيارتهـم محبـه وتقديـر
حنا عضو منهم وهم عضو منـا
ساعة وصلنا للوجيه المسافيـر
وكمالـة الترحيـب عـودٍ وبنـا
الكيف يعمـل بالـدلال المباهيـر
والكبش وعيـال البـل إيذبحنـا
آلاد عامر مكرميـن الخطاطيـر
أهـل بيـوتٍ بالرفاعـه تبـنـا
بيوتهم تشبه مقاصـب جزازيـر
اللي ذكـر فيهـم وجدنـاه حنـا
خيالة الهـدلا ثقـال المحاضيـر
يرسـون لامـن الليالـي قسنـا
آلاد عامـر مبعديـن المعايـيـر
هـل قالـةً تـدرا وخيـلاً تعنـا
يوم أن اشاويس القبايل مناحيـر
أمجادهـم وافعالهـم نومسـنـا
يرعون بالسرفات عشب النواوير
أن اجنبـن بالـدار وأن أشملنـا
سودٍ تقول ضهـاب والا مغاتيـر
في ضل مرويـن القنـا يامننـا
لياتعلـوا فـوق قـبٍ مشاهيـر
خيالهم من صطرة الـراس غنـا
مركاظهم يشبع به الذيب والطير
لامن زهازيـم السـرب ناحرنـا
كم فارسٍ خلي لعـوج المناقيـر
والضبعة العرجاء برأسـه تهنـا
من ضرب ربعٍ فالملاقا مصاطيـر
ربعٍ لهم فالحـرب والسلـم فنـا
من لا يشوش بفعلهم قلب خنزير
لارحم أبوه وعصبته مـا شحنـا
حنا لكم قيـفٍ يضـد الاشاريـر
وأنتم لنـا سيـفٍ وريـعٍ يسنـا
جينا لكم يـالاد عامـر مساييـر
في رأي شيخٍ دوننـا مـا تونـا
اميرنا يـوم أن كـلٍ لـه أميـر
اللي يشيل الحمـل لاثقـل عنـا
راجح سلايل محتمين المظاهيـر
ماجد وهاجد ملحقـت كـل دنـا
بهدفٍ علفها من كبود المناعيـر
لاشافها جمع الحفيـف أستجنـا
لاثار عج الخيل مثـل المعاصيـر
سيوفهـم ورماحهـم يلحمـنـا
وشباب رجال القساء والمعاسيـر
مقدم بني صامل زبـون المجنـا
شيخٍ يحلابه على سالـم الزيـر
ليت الليالـي فيـه مـا لوعنـا
والحمـد لله للعـوادي مذاخيـر
أخوان ذيبـه هـم ذرانـا كهنـا
شيوخ صامل ملحميـن البواتيـر
سم الحريب ونصرة الديـن حنـا
حماقا بني عمر على الشر والخير
قـومٍ ليـا دارة رحانـا طحـنـا
ستر العذاراء المترفات الغناديـر
لاطوحـن باصواتهـن واندبنـا
في روسنا ينبت حماس وصعاطير
لامـن دقـلات الجمـوع أردفنـا
نزمي كما يزمي على الكاده النير
عقـال والعقـال تـدرى جهلنـا
واليا زبنا اللي حمولـه قناطيـر
يامـن وقلبـه دالـهٍ مرجهـنـا
يقوله اللي صخر القاف تصخيـر
لاجت له الفرصه على مـا تمنـا
والمعذره لو صار نقصٍ وتقصير
ما كامـل الا الله عليـه اتكلنـا
الله يدبرنـا علـى خيـر تدبيـر
وينصر حكومتنا ويحفـظ وطنـا
وصلوا على اللي نور الدين تنوير
اللي بعـث بالحـق فينـا ومنـا