[جعد الوبر]

المشاركة الأصلية كتبت بواسطة جعد الوبر

بسم الله الرحمن الرحيم

اخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : هذه القصة مشهورة تتداولها معظم القبائل المجاورة لقبيلة سبيع بن عامر الغلباء وقد سمعتها من كبار السن ويقولون فيها : أن الفارس الشاعر / دواس بن رمضان الزعبي رحمه الله كان نازلا مع احدى القبائل وعندما دخل موسم الصيف وشحت المياه طردوا حلاله ( ابله ) عن الماء ورحل قاصدا قبيلة سبيع بن عامر الغلباء على اّبار رماح من أشهر طوال نجد ونزل ضيفا على / عبيد بن صنهات الصميلي السبيعي رحمه الله وكانوا في يوم عاصف فقام عبيد رحمه الله باكرم ضيفه وأرسل أبناءه تسقي ابل ضيفه / دواس بن رمضان الزعبي وأمرهم أن لا ترد ابله على الماء حتى ترتوي ابل ضيفه وعندما رأى ضيفه الفارس الشاعر / دواس بن رمضان الزعبي ما فعله / عبيد بن صنهات الصميلي السبيعي بعدما حصل له من القبيلة التي قدم من عندها حيث منعوه الورد على الماء قال هذه القصيدة :

يا فاطري ليلة وردنا رماحي
= صبح أربع في لاهب القيض مضمين

عين عيوني يقبلن المراحي
= من واهجن بالصدر لو عنه تدرين

عد (ن) طويل ويذكر انه ايماحي
= عليه أجانيب وناس (ن) كثيرين

وأنا أحمد اللي حط دربي سماحي
= الذود يشرب والقبايل محيمين

ساعة نزلنا والشحم له صماحي
= أبعد عمس هلهن عسى عمره سنين

عبيد شوق اللي ثمانه وضاحي
= سعد الرفيق وسعد من جوه عانين

غنيمة في العسر ماهم شحاحي
= أيمانهم تثعى الشحم والنبا زين

اّلاد صامل مبعدين المشاحي
= عز الرفيق وسقم عين المعادين

وسواة من قانص طيور الفلاحي
= يصيد لو كل القوانيص مخطين

أهل سربة (ن) لامن جذبها صياحي
= تلحق بسبعان (ن) على الهوش ضارين

بشاش الظواهر والبواطن صحاحي
= مرن سلاطين (ن) ومرن شياطين

يا زينهم لي من مشوا بالنصاحي
= ويا شينهم لا صار ماهم براضين

بني عمر ما مثلهم فالنواحي
= سعد القصير وسقم طلابة الدين

وان جاء نهار (ن) فيه زرق الرماحي
= مايقبلون الا برجح الموازين

كم عيطموس (ن) لبسوها الشناحي
= تصبح تخير في الربوع المسمين

يالله يا رازق خفوق الجناحي
= ياعل ملاكة رماحً عزيزين

قصيرهم يشرب وعده رماحي
= يوم الردي يطرد قصيره عن العين

منقول بتصرف وأنتم سالمون وغانمون والسلام .

أخوي حزم الجلاميد مشكور على المرور بقصيدة دواس بن رمضان الزعبي رحمه الله مع أطيب أمنياتي وخالص تحياتي