[الشاهق]

يادبور الوقت ولا يا قدومه
مالقينا حاجتن تروي ضمانا
الهوى في خافقن زادت همومه
والفرح عرش وحلق في سمانا
كل نفس من الخطا ماهي معصومه
ليت ربي في هوى الحسنا حمانا
القمر لو غاب ماتكفي نجومه
مايكفي لو وصلنا منتهانا
الهوى خصمي وأنا أكبر خصومه
ويش أسوي كان خصمي به ليانا
كلها من اللي رماني من سهومه
جادلن حطت على صدري ضمانا
من ديار بقيق حتى لا تنومه
ماتحصل في بهاء الحسنا حسانا
من نظرها ساعتن قطع هدومه
والله إن العشر لا تصبح ثمانا
بنت قومن عالي القمه ترومه
ماتحسب عن فلان ولا فلانا
والمعارك قبل تنزلها إمحسومه
في نهار يضيق به صدر الجبانا
علموا مدغم وردولي علومه
والسوالف دون سر ولابيانا
أشتكي له ياعسى ربي يدومه
يوم حظي من علوه لطمانا
الحرار إدوسها كل فرخ بومه
والشوارب طيبها ضافي إلحانا
والرفيق يبيع روحه مايسومه
دون ربعه مايجي عظمه هوانا
علموا مدغم وردولي علومه
منتدى السبعان ولا الزعفرانا


وسلامتكم

الشاهق