[خيَّال الغلباء]

المشاركة الأصلية كتبت بواسطة متحمس للمزاين

السلام عليكم ورحمة الله وبركاته


هذي قصيدة لشاعر / مناحي بن نمشان الملحي السبيعي رحمه الله رحمة واسعه

وهي في جاره وصديقه / محمد بن صمهود المداريه السبيعي


يقول بن نمشان

ونيت لي ونة ٍ والامة رقود=من عقبها ببطي عن النوم قالي
كما يون اللي من الزمل مضهود =الاصهب اللي من صبور الجمالي
لا حط فوقه قد بالرمله تكود =موسق شيله بشيل الهزالي
من عقب بيت شفت ماجاله ريود =مغير انا والنجر ويا الدلا لي
نجر ثمين من هدايا ابن صمهود =اللي على أهداه ذرب العيالي
شبيت لي نار ٍ بها السمر مرجود =وحمست من بن اليمن ما طرالي
برية ٍ كن ريحها عنبر وعود =يلزم شراها لو شرينا بغالي
ودقيت جاله دقة جالها زود=تفريج هم عقب ما ضاق بالي
وقدمي تراهو متعبة معدن الجود=في مجلس يلفون فيه الرجالي
بني عمر اللي بالعطا تعطي القود=جنوبهم واللي بشرق الشمالي
هل فزعة ٍ يفرح بها كل مضهود=لا عسكر البارود والحمل مالي
صح العدد فيهم وبلقى لي شهود=يشهد لنا من كل ذرب ٍ جلالي
ولا ينحسب فعل على غير ما كود=الا وفعل ٍ مثل نقد الريالي

أخي الكريم / متحمس السلام عليكم ورحمة الله وبركاته وبعد : شكرا جزيلا لك على هذه القصيدة الرائعة للشاعر / مناحي بن نمشان الملحي رحمه الله وأسكنه فسيح جناته في جاره وصديقه / محمد بن صمهود المدارية وفقه الله إن كان حيا ورحمه إن كان ميتا والله يعافيك ويبارك فيك ويجزاك خيرا جعلها الله في ميزان حسناتك يوم لا ينفع مال ولا بنون إلا من أتى الله بقلب سليم والله يبيض وجهك عند مولاك يوم تبيض وجوه وتسود وجوه مع خالص التحية وأطيب الأمنيات واسلم وسلم والسلام .