[راعي الجوفا]

ليش التغلي



الحميدي بن سعد مقعد السبيعي


ياضامر السرجوف ليش التغلي
ليش التغلي وأنت بالحيل غالي

غالي ولك دائم بقلبي محلي

ما جاه غيرك ياحسين الدلالي

ما جاه مزيون جنابه رسلي

غيرك ترى ما فيه زول طرالي

ماكل زولن يالغظي لك يحلي

لا بالجنوب ولا بشرق وشمالي

أنا أشهد أنك بالحشا مستظلي

بظلال قلبي ما تجيك الصوالي

وأبا أنشدك مير أنت بالله قلي

وش غيرك في هالسنين التوالي

وش غيرك ياأبو الرموش المظلي

عن عهدنا السابق بذيك الليالي

من أول لا جيت يمك تهلي

وتفرح بشوفي ياشبيه الغزالي

واليوم لاجيتك ما عاد يحصلي

الا الجفاء يازين واعزتالي

وإن كان ما غيرت طبعك أرضلي

والله لا أزيلك يالغظي من خيالي

وأقول روحي جعل زولك يولي

من تيب لي مكسب ولا راس مالي

http://www.alriyadh.com/2008/06/06/article348382.html