بسم الله الرحمن الرحيم
اخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصيدة الغزل الصامت للشيخ الشاعر / مهنا بن سعود بن خزيم السبيعي رحمه الله وأسكنه فسيح جناته والتي يقول فيها :
نون نشا برقه من البعد قداح = أقبل تمايح به ذواري رياحه
كنه سواد الليل والبرق الاصباح =تجهر حديد الطرف ومضة الماحه
الى نجد منبت كل خير وفواح = شهرين والوسمي يصبح صباحه
في ظل ورف غصونها الورق نواح = وفراشها تفرحك وشمة جناحه
أزكى النفل من نفحته كل سواح =وأبكى الزهر طير السحر من نواحه
دموعها طل على الغصن سفاح = والشمس لي شعت تبخر سفاحه
وصار الزهر ما بين جاذب ومياح = لي هبت الذعذاع هزت مياحه
وتنكست فيه أم سالم بالأجناح = بانغامها تسقي القلوب الفراحه
وراع الربابه حنن القوس بالاّح =ما كان في نفسه من الوجد باحه
وأودع طيور الروض في همس وأفراح = وذوق خلي القلب طعم النياحه
له ونة تطرب وأناته أنواح =أذكى هوى العشاق هو وش صلاحه
واللي دله من الغي خلاه ينلاح = وراح يتصور له مداوي جراحه
وصار يتمنى لو عشيره معه راح = كف بكف وخطوة في فياحه
وقف وتبسم قال أنا خاتمي طاح = ومن الدله ضيعت يمة مطاحه
يالله نعود كود نلقاه يا صاح = وأثره نكايه من عجايب مزاحه
وأرضاه زهرة قحويان لها أنفاح = فيها حكت ومضة ملامح ملاحه
الا صفار اللون صر عنه صفاح = واستبدله لونن يحالي نصاحه
متلثم طرق عفيف له أوشاح =الله لو شوقي نسج مع وشاحه
الليل داكن لكن النجم وضاح = والليلة الغدرا تزيده وضاحه
بذنيه من سحر التعاجيب كالراح = وفي عينه الدنيا تبسم فساحه
قال اهدنا من العيد قال العطا باح = فناظر والى الحنا تعورج براحه
وطاف بخياله من أخضر العمر ضباح = وجادت بعشرات المثايل شحاحه
الشوق لأسرار العشاشيق فضاح =وبراءته سر وجمال انفضاحه
يا حلو لعق الدم من بيض الأجراح =من رمش خافية المنايا رماحه
معشوقتي مرباه في بيض الأصفاح = تناجي وتسقيني الشهد من قحاحه
لي خاطر عن خطر البعض يناح =لخطر ومزهرة الخواطر جناحه
هو تاح لكن رايد الحظ ما تاح =وما حسه الا عقب ما أقفى متاحه
مصقول وعقول العباقر لها أقداح = ما أروى ولا تعبس مناهل اقداحه
الجهل بحر عنه الأنهار جناح = حي ولكن رمز موته ملاحه
ومطامح الأشفاف يشقن الأرواح =وأشفاف كاسات الشقا أنفاح راحه
ما تدرك الا عقب قومه ومطراح = يقرا طلاسم سرها في انطراحه
والقدر لولا صالي النار ما فاح = والنار لولا الزند ما أضرم قداحه
من لا يشم الهون ما فهم الأمداح = ومن لا لهم ما ذاق طعم الفصاحه
مشكور يا دهر هداياه الأفداح =الله لو ينشاك كاس الفداحه
ألذ من نجوى جلت كل الأتراح =وأهنى على كبد الصدي من قراحه
أسبح على موج بلا دسر وألواح = والكون في عيني جنان مباحه
يا طير ما في أحد الجناحين مفساح =تاخذ كتاب اللي تناهى فزاحه
متضمنن شكوى معانين وألماح =منها القلم سقت دموعه طلاحه
لولا النوى ما حن ولف ولا صاح =شر أشر الشر صامت صياحه
في حس عشاق الميامين صداح =وبعطفك يا أبو تركي سقيته صداحه
فكره تطلسم واّثر الصمت مفتاح =بلماح عرفك يستجيب انفتاحه
همي الى زرته عن الصدر ينزاح = وأحس للدنيا مذاق وملاحه
معارفه لي لاعتم الفكر مصباح =حساس عرف اللي عميق نزاحه
يرسم بهاجوسه قبل شوف الأشباح = فراسته تشتم غمض اشتباحه
مخضل بال بالتفائيل نضاح =من عاشره يورق خياله نضاحه
سلي معشر للأسارير مناح =كالشمس تهدي الكون ضي ومناحه
وفي وأديب للمحة الطيف لماح =ولا به على كشف السراير شفاحه
ان جيت في بيته تاّديب وأمزاح =وان زرت فالمكتب بشاش وسماحه
من منبت بالجود والحب نفاح =كنه من الجنه شرب نخب راحه
منداح عرف لي نزق كل منداح =ثاقب صويب الراي عمدة سلاحه
الى أشفقت نفس اللجد للجد =شاح ما ينتبه كود الفطن لانشياحه
نهنيك في ثرات مشرقة الأطلاح =وجناه غرس ممرياة بلاحه
لين اعتمت موحشة الأغوار ضياح =ينور عتيم الكون مشكا ضياحه
ألبابها منجاع روض ومسراح =دمث الربى تعشق خطاك اندياحه
ماجور يا قلب شدى عذب الأصداح =في سامقة غصنن يداعب جناحه
ملاح وبحور الأدب موج وارياح =رضى ضميره والأداب ارتياحه
وترى السفينه لوح والروح ملاح =طاب السفر يا أهل السفن والملاحه
والشيخ الشاعر الكبير / مهنا بن سعود بن خزيم رحمه الله وأسكنه فسيح جناته ليس الإبداع بغريب عليه فوالده الشيخ / سعود بن خزيم رحمه الله وأسكنه فسيح جناته من شعراء الحربيات وقد ذكر له الشيخ / عبد الله بن محمد بن خميس وفقه الله عدة قصائد حربية في كتابه من أهازيج الحرب وقد اشتهر الشيخ الشاعر / مهنا بن خزيم رحمه الله في وصف البادية والفياض والربيع كما اشتهر بشعر المقانيص فهو القائل :
الجمس جاهز والسلوقي جريمه
= لا شافن المحفار والطير ركبن
كن السلوقي لأجحرت فالخريمه
= عبد طروب في الحفل لابسه جن
وهو القائل :
ما ني بشاعر بس أبا أقول بيتين
= بيت بدور له وبيت لقيته
وقد قلت بيت من الشعر فاستغلق عليّ إكماله وهو قولي :
لا خير في دنيا بها النفس تنذل
= ولا خير في راس ينزل مباديه
فأخبرته به فأكمله ببيتين من الشعر قبله حيث قال :
يا خاطري فل المعاني لنا فل
= فل الكتاب اللي فتن قاريه
حسب دقيقات المعاني وحلل
= تحليل من خطي ولا فهم مخطيه
لا خير في دنيا بها النفس تنذل
= ولا خير في راس ينزل مباديه
وقد رثاه أحد الشعراء بقوله :
قال الذي شاق له فنا
= وغنى على راس مشرافي
الله يرحمك يا مهنا
= حام الجهامة والأسلافي
شيخ وبه دايم حنا
= نتسنم العز ونشافي
ما كنه بيوم قد غنى
= مثايل كالصدى الصافي
وله ديوان مطبوع اسمه ( طاف بي ركب الليالي ) جمع وترتيب وتقديم الأستاذ / سعود الزيتون الخالدي طبع شركة مطابع البيان العربي المحدودة تلفون 8521182 سنة 1425 هجرية 2004 ميلادية منقول وأنتم سالمون وغانمون والسلام .