الاخ منصور / وسع صدرك واعجبني كلام الاخ خالد الشماسي ويمكن نظرتة في محلها / ولكن انا بوضح الاتي للاخوان اللي ما يدرون او اللي يسوون حالهم ما يدرون / قصيدة المرحوم دبيان بن عساف اللة يرحمة على العين والراس ولكن مهيب كتاب منزل= ولا ينوخذ فيها كشهادة او مصدر تاريخي --- يا اخي مصلط انت تعرف والكثير تعرف وسبيع كافة ان امير سبيع الحدارية او من ترأسها هو الامير / عساف ابوثنين رحمة اللة بداية بالسبية - وتوارثها اولادة لحد هذا اليوم -- هذا الكلام اللي ما يختلف علية اثنين -- صحيح بني عمر زمان ما لها الا شيخين فقط واحد على الصعبة وواحد على الخضران -- ولكن معركة السبية جمعتهم تحت راي شيخ واحد وهو الامير / عساف ابوثنين رحمة اللة وبعدها توسعة المشيخة والشمل في سبيع ولكن ( لاكبرت يامصلط الامور ترجع لمين هنا مربط الفرس ) -- انا ما احب التفاخر والمهايط واللة اني اعطي كل حقا حقة ولو على نفسي ولا احب ادخل في مثل هالامور لانهاء تأجج العداوة بين ابناء القبيلة / ولكن تمشيت في هذا المنتدى العريق ولقيت كلام مهوب في محلة ويتوجب علي ان ارد علية بصدق واوضح الحقيقة /-- وصحيح سبيع ابا النعرات وكفو والف نعم بشيوخ سبيع ما انقص في حقهم شي حيث لهم غزوات ووقفات تفتخر فيهم القبيلة / ولكن لاكبرت الامور على القبيلة الامور تنصى مين طبعا يامصلط ( ابوثنين ) سواء قبل التوحيد او وقتنا الحاضر وهذا اكبر دليل ورد على من شكك في ذلك -- ارجو ان تقبلوا ردي برحابة صدر وآمل ان لا يكون الموضوع نصب فخ للعداء فقط بين ابناء القبيلة وليس لتبيان الحقيقة ,, والسلام ختام .