[خيَّال الغلباء]

بسم الله الرحمن الرحيم

الشيخ / سعدبن فراج بن محسن الفراعنة من ذوي المكارم والشهامه وهو شيخ الطلاحين من الفراعنة من سبيع يقول فيه الشاعر / مهذل بن ظافر بن كلاوه المخاريم :

ياللي تبون الكيف ومفطح الطليان = وعود يسير غالياتً مشاريه
في مجلس ما صك بابه عن الضيفان= ودلالً مهاديف على النار مركيه
في بيت ابن فراج ياللي تجي عمسان= بيت الكرم والمعرفه والشهاميه
بيتً ليا اغبرت ربيعً على الجيران = ومن جاء يبيله حاجة راح مقضيه
غدا مندي للحيل ومقرح الخرفان = ولاقعـود يقشعه لارتفع نيــه
يعشق المراجل مثل ما يعشق السرحان= قطيع وهو جايع باًرض خلاويه
نزل في جنوبي رنيه وشيد البنيان = رفع فلته في مركز الطيب مبنيه
ويلقاه محتاجً ليا حاجه الزمـان = ماله دخـل ومقصـراتً مواشيـه
ياليتني وياه في منزلً جيـران = من صالحي ومقاصره يستوي لـيه
كلام نظمته ما نبي من وراه اًثمان = شكر وتقديرً لستر السـبيـعيـه
سلامي عليه اعداد ما همل الودان = واعـداد ما هبـت من الغرب هيفيه

أخي الكريم / الفريعني السلام عليكم ورحمة الله وبركاته وبعد : شكرا جزيلا لك على هذه القصيدة الجزلة للشاعر / مهذل بن ظافر بن كلاوة المخاريم الدوسري في الشيخ / سعد بن فراج بن محسن الفراعنة ويستاهل الطيب راع الطيب ويستاهلون ربعه الفراعنة والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .