[ابو مترك]

عيوني بعد غيبتك ياصاحبـي سهـره = وصدري تزاحم فيه ياشوق عبراتـه
ليا جيت اسولف تخنق هروجي العبره = وليـل يباتـه دالـه القلـب ماباتـه
بكت عيني القشرى من البعد منقهـره = وكبدي لذيـذ الـزاد عافـت ملذاتـه
ونفسي بعد غيبتك ضعفت ومنكسـره = احب الخلا والقى الوناسـه بسجاتـه
وجودي عليكم وجد عود مضى عصره = ولالـه عيـال وحاقرينـه قراباتـه
وصكات بقعاء ضيقت بالفقر صـدره = وزود على صكـات بقعـاء بنياتـه
يبي سترهن والحال ماهيب منستـره = ولاله جدى ياكود صبـره ودمعاتـه
هذا وجد قلبي مثل وجده بعد صبـره = وانا عارف ان الوقت يتعب بميلاتـه

وتقبلوا تحيات اخوكم مرزوق الفراعنه