[عواكيس]

المشاركة الأصلية كتبت بواسطة خيال الغلباء

راكبٍ من فـوق منبـوز الفقـاره
= آركي وحبال كوره كالفاتـي

آركـي ومربـع عشـب القـراره
ما علاه الشّـد له سبع سنواتـي

كن في عينه من الفـرقـى شـراره
= أو مخاليب الوحوش الطايراتـي

ولعتنـي بالهـوى والّزيـن سـاره
= واخلفتني عن غنادير البناتـي

من خبر جـارٍ ذبح بالـود جـاره
= بالمبيسـم والثنايا المرهفاتـي

المطوّع لو يشـوف خديـد سـاره
= طبّق المصحف وعجّل بالصلاتي

ريق سـاره سكـرٍ لّه في غضـاره
= أو حليب ابكار عربٍ مسمناتـي

والثنـأيـا قحويـان فـي زبـاره
= نافلٍ نوره على كل النباتـي

والنهـود زبيـدي في لغـد قاره
= علّهن وبل الحيا ومصلّعاتـي

حالفٍ ما أسلى ولا أنسى حب سـاره
= لين أهل شقـرا يكبـّون الصـلاتي

أخوي / سعد المحمدي بيض الله وجهك وشكرا لك على هذه القصيدة المشهورة مع أطيب أمنياتي وخالص تحياتي .