[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه المرثية المحزنة للشاعر الكبير / أحمد الناصر في ابنه رحمه الله وأسكنه فسيح جناته وكفى بالموت واعظا وقد سمعتها بصوت الشاعر / أحمد الناصر وكان واضح عليه التأثر :

نهار ثالث عقب عيد رمضاني = ناس عطاها الله وناس محرومة
أحد (ن) قضى عيده سلام وتهاني = وأحد (ن) توصله الكواكب همومه
صادفت صدفة من صدوف الزماني = منها قوي الحيل تفتر عزومه
هذا زمان الهم والإمتحاني = وقت على قلبي تعاقب سهومه
الأولـه كامـل جميـع المعـانـي = مزبن المضيوم شـرع الخصومـه
محمد اللـي فـي القسـا والليانـي = عقبه سمايـا غايبـات (ن) نجومـه
والثانيـه باقـرب قريب (ن) ودانـي = خامس عيالي يوم جتنـي علومـه
قالوا ما بيـن الخاصـره واحلبانـي = ولدك مـات اللـي ترجـا قدومـه
جاء يومه الموعـود بأربـع ثوانـي = قلت السبب قالوا دنـا منـه يومـه
علم (ن) على الكبدالصخيفه كوانـي = كيت عطـب ما تنشكـي للحكومـه
تهشمت كـل الضلـوع المحانـي = مفجوع والمفجوع محد (ن) يلومـه
أخذت لي ساعه وأنا فـي مكانـي = حسبت لى عشرين طيحه وقومـه
إليا بغيت الهـرج ييبـس لسانـي = والذاكره عنـدي تقـول امعدومـه
قمـت أتلفـت وأتسمـع بـأذانـي = من شـاف حالـي ما تهنـا بنومـه
مما بقلبـي رحـت بالليـل عانـي = للموتر اللـي ما بقـى إلا رسومـه
عن روحتي ياليـت ربـي نهانـي = ولا شفت دمه سايحن فـي هدومـه
قمـت ودفنتـه والله المستعـانـي = في خرقة (ن) بيضاء عليه محزومه
يـم القويعيـه بـلاد اقحطـانـي = والحر غير لون وجهـي سمومـه

وإليكموها بصوة غيره :



منقول وأنتم سالمون وغانمون والسلام .