[واصل]

اعزائي منسوبي هذا المنتدى الرائع اهدي لكم هذه الابيات المتواضعه بعد

غيبه طويله بسبب بعض الظروف الخاصه وآمل ان تحوز ولو على بعض رضاكم



[poet font="Simplified Arabic,4,black,normal,normal" bkcolor="white" bkimage="" border="groove,4,blue" type=0 line=200% align=center use=ex length=0 char="" num="0,black" filter=""]
بسم الله الرحمن سامك عرشـه = واعوذ بالله مـن شـرورالباغـي
كل(ن) على كيفـه يفلّـي طرشـه = لامـن تثنّـى بالحمـول الرّاغـي
يرعى به ارض الفيضه المنفرشـه = ولرغاة خطوى ام الحويّـر راغـي
همّه يدلّـل ناقتـه مـع هرشـه = وام الطلـي اللـي عليـه تثاغـي
مادام يدفـع مـن جيوبـه قرشـه = مايلتفـت لابـو فويـم(ن)فاغـي
بعض العرب صوت الصفير يخرشه = وفي مشيتـه لرفيّقـه متصاغـي
يمـص عظمـه بالقفـاويعرشـه = يحس بالنقـص المركّـب طاغـي
فقيـر مـال وحالتـه منجـرشـه = وحقده وصل للراجحـي والنّاغـي
يازين وجهه عامل(ن) في ورشـه = يديـره اللـي بالاوامـر طـاغـي
ان طاعني يرقـد ويمـلا كرشـه = صفر(ن) يسار الرقم دايـم لاغـي
مالي ومـال القرشـه المنقرشـه = اللـي بحـزّات اللـزوم رواغـي
من جا يبيني لـه بافـل الفرشـه = ومن لابغانـي لـه فلانـي باغـي
ومن عادتي للغير ما اضرب فرشه = ولاقد مشيـت الا علـي شماغـي
ومن خلقتي ما اشرب حليب الغرشه = العقـل عقلـي والدمـاغ دماغـي

اخوكـم : هــادي آل جلـبـان
( واصـــــــــــــل )


[/poet]