[حزم الجلاميد]

المشاركة الأصلية كتبت بواسطة مسلط 22

بسم الله الرحمن الرحيم

قال الشاعر الكبير / عبدالله بن لويحان التميمي رحمه الله وأسكنه فسيح جناته متغرلا :

البارحة ما هملج الطرف بنعـــــــاس=وما فاض من نجم عيوني تخيلــــــــه
لا باس يا عيني على السهر لا باس =على وليف ٍ فات ما ألقى مثيلــــــه
عنا قطع شوف المواصل له أرماس=ولا في يدي من ناب الأرداف حيلـــه
فيما مضى ياخذ جوابي من الراس=واليوم لا عاني وأنا ما أعني لــــــــه
العشرة اللي ما توثق على ساس=تطيح لو صارت حصون ٍ طويلـــــــــــة
يا ونتي منها المعاليق يبـــــّـــاس=صبري قضى ما باقي إلا قليلـــــــه
صبرت صبر ٍ صابني منه وسواس=صبر له النفس العزيزة ذليلـــــــــــة
على وليف ٍ حال من دونه الياس=والياس طب ٍ للقلوب العليلــــــــــة
ومن يتبع المقفي مرده للإفلاس=مثل الذي بالقيظ يدفق صميلــــــــه
هذي دروب الحب جِدَّد ودراّس=الله يمضيها بستر وجميلـــــــــــــــه
وموفق ٍ للخير يا ظبي الأطعاس=لا تحسب الدنيا بأهلها طويلـــــــــه
الصاحب الغالي نحطه على الرأس= واللي يودك لا تدور بديله
وصلاة ربي عد ما هب نسناس=على نبي ٍ وضح الله دليلــــــــــــــه

منقول وأنتم سالمون وغانمون والسلام .

أخوي / مسلط شكرا لك على نقل هذه القصيدة الرائعة في الغزل والله يرحم ابن لويحان ويبيض وجهك ولا هنت مع أطيب أمنياتي وخالص تحياتي .