[حبيب الرسول##]

[align=center] بسم الله الرحمن الرحيم

هذه قصيدة حصلت عليها من الشاعر /حزام فيحان ابن شطيط في الشيخ / فهد بن ماجد ابن شويه بمناسبة تعيينه أمير للفوج الرابع والعشرون بالخفجي0 آمل أن تنال إعجابكم0[/align

البارحه فكري مع الشعر مانام = وأبدع من خيار البيوت الجديدي
بيوت شعري جت تزاحم تزيحام = عن ابن شويه ماطراها تحيدي
فهد ولد ماجد من شيوخ اعلام = لاعل عمره في حياته مديدي
له في سنام المجد مركز ومرسام = ابن الشيوخ مطوعين العنيدي
ابوه ماجد للمعادين لطام = ورايه لاضاع الراي دايم سديدي
وجده وليد اللي على الخيل مقدام = يوم الحرائب والزمان النكيدي
دايم حصانه فاول القوم عزام = وقلبه نهار المعركة من حديدي
سطر له التاريخ فعله بالأقلام = وله سمعةٍ بين العرب ماتبيدي
مصدر فخر فالجاهلية والإسلام = في مدحهم تعجز بيوت القصيدي
من بعدهم جانا فهد والفرح دام = وفهد حفيد وليد نعم الحفيدي
كسب ثقة ملك ودولة وحكام = ونهار تعيينه لنا يوم عيدي
من كان جالس يوم ذيع الخبر قام = من فرحته يبغى الإذاعة تعيدي
علمن يسر سبيع فالشرق والشام = كلٍ يقول أمير وابن عقيدي
مع الخوي طيب ولاهوب شتام = عنده سوى قريبنا والبعيدي
فهد يزود بطيب عامٍ بعد عام = له في مجال الطيب بنك ورصيدي
لبس بفعل المرجلة تاج ووسام = ومدى أبو ماجد فالرجولة ابعيدي
له مجلسٍ مزحوم في كل الأيام = وله سفرة ماهيب سفرة ازهيدي
طيبه لمدحه صار ملزمني الزام = ولا يمجد كود رجل مجيدي
مواقفه معنا جديدات واقدام = ورَدّ الثنا لأهل لمواقيف أكيدي
هذا وصلى الله على سيد الأنام = شفيع خلقه في نهار الوعيدي