[خيَّال الغلباء]

بسم الله الرحمن الرحيم

قال الشاعر الشيخ / عجران بن شرفي رحمه الله وأسكنه فسيح جناته :

حتيش يابن فهيد لو ناض كشاف= بارق خريف يم دار مصده
عسى الحيا يسقي لنا وادي الغاف= ومن حومة النقيان لخريم حده
عساه يا عيد النضى غب الإنكاف= عساه يسقي المربع اللي نوده
حدر على الصمان للبرق رفراف =لا بكر الوسمي على مستعده
المربع اللي تدهله حم الأشعاف= قدامها الصقار طيره يهده
يا ما حلا العشب فالقفر لي زاف =وجني الزبيدي في عذى كل خده
دار لنا فيها مقيض ومصياف= ومشتى ومرباع وكل نضده
دار وليناها بضرب (ن) بالأسياف =يوم إن كل (ن) حامي ورث جده
منها العتيبي نرفعه فوق قطاف= والدوسري عنها جنوب نحده
وراكان عنها نقلعه يم الأسياف =وإلا المطيري عارف راس حده
لا جاء نهار فيه زوغات الأسلاف =ثم كل بد قام يظهر لبده
لي لابة ركبوا على كل مزغاف= وتحيزموا من فوقهن بالأعده
يا جاهل في لابتي منت عراف= حريبهم يمسي وكبده مضده
كم شيخ قوم لا نوى الله له إتلاف= من ضرب ربعي ياكل الرمل خده

منقول وأنتم سالمون وغانمون والسلام .