[جعد الوبر]

أخوي جزل العطايا شكرا لك على نشر ملحمة الشاعر الكبير / فراج بن حمود بن محيلب العزة السبيعي وليس ذلك بغريب عليه فقبل فتح الرياض بخمس سنوات تقريبا أراد ابن رشيد غزو الحائر ديرة العزة من قبيلة سبيع الغلباء فلما تجهزوا له أهل الحائر أنشد الفارس الشاعر / حمود بن محيلب العزة السبيعي هذه القصيدة الحربية :

غرس ياللي بين زينات الخشـوم
= علـى الحرايب راسيا مرسامها

ابن رشيد جاء يبي محضـار يوم
= كرامتة ما يسـتحي لقـامـهـا

إيدامهـا ملح القهر مثل الغيوم
= والـدرج والبـارود صـب أودامهـا

لا تحسب أن الموت في اللقوا لزوم
= حتي الحباري بجلهـا وأيامهـا

بعنا عليهم ناطلين بالهدوم
= بيعة طعيس في اللقاء يحكى بهـا

إن سلم أبو تركي تقاظبنا الخشوم
= إما لـنا وإلا لهـم وإنا لهـا

إما يجي عـز وأنـا ربعي سلوم
= وإلا تروح الـدلو هـي وأوذامـهـا

حتيش لو جاء من ورى العارض سموم
= هم راحت البدوان فوق اجمالهـا

أخسـوا خسيتوا كلكم لمن لموم
= ما منكم اللي للحرايب جالهـا

أبـو حبيان عسـى عمره يدوم
= اللي لضـوء الحرب شـب إشعالهـا

منقول مع أطيب الأمنيات وخالص التحية .