[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة الجزلة للشاعر الكبير / سعد بن جدلان الأكلبي ومجارتها لشاعر الزهد والورع الكبير / غازي بن دخيل الله بن عون الرويس العتيبي وفقهما الله لما يحب ويرضى والبداية كانت عند الشاعر الكبير / سعد بن جدلان الأكلبي ويقول فيها :

ألا يالهبوب الباردة عجلي هبي=على جاش من قامت هواجيسه تلوبه
أنا مرةٍ أصحى ومرن يغيب بي=أسرح مع كثر الطواري بغيبوبه
ألا يا دهر ما هو بحق تلاعب بي=رماني الزمان لمقرد الخلق لعبوبه
عباد مغفلها الزمان وتعجب بي=يحسبون قل المال في الرجل عذروبه
وأنا قانع باللي علي كاتبٍ ربي=ومومن بمقدوره وقانع بمكتوبه
ولا أبغى عمى الأريا برايه يجرب بي=وهو ما عرف ماجوب ربي وما جوبه
هذور المجالس راعي المدح والسبي=وهو في الخلا لو جاه بنت خذت ثوبه
يقولون لي جز من تصرفك وتحبي=وأنا توبتي من مجتمعهم هي التوبه
ديار الوبا من طبها راح متوبي=وقرابة الجربا على الحول مجروبه
وأنا عارف منصاي لمّن بدا نبي=وأعرف طريقي اللي بتجه صوبه
وأنا أعرف من أعادي ومن أحبي=وبه ناس لا تبغض ولا هي بمحبوبه

وهذه مجاراة الشاعر الكبير / غازي بن عون العتيبي ويقول فيها :

أنا للكلام الزين يا بداح يا حبي=راع القصيدة داعب القلب باسلوبه
تشوقت فيها يوم لقيتها لبي =تشوق محب شايف زول محبوبه
على شان في موضوعها ما حرش ضبي=وخلاني أمشي مع مماشيه وادروبه
هجوس تكبر مع معانيه وتلبي=وهو يشتكي من قسوة الوقت وخطوبه
ويلوم الهذور اللي على الهذر متربي=مشاهد عيوب الناس ما شاهد اعيوبه
بخيل ذليل علته ما لها طبي=شذب القفى غاية مرامه ومطلوبه
ولا ألوم من جاشه من الغيض متعبي=على من تناجوا بالمقفى ونموبه
عسى ساق من لامه بما قال ينجبي=نتيجة قذيفة بندق وجهت صوبه
ليا ضبه الجبار ما عاد ينضبي=وصوابه من الركبه ليا حد عرقوبه
أصارع هموم عن يمومي تجنب بي=وتكشف لي آفات عن الخلق محجوبه
وأحول بسوق عن هل الكون متخبي=تجيني به أنواع الغرابيل مجلوبه
وأنا أرجي الفرج من وامر الوبل ينصبي=مدبر ابن آدم خالقه غافر ذنوبه

منقول وأنتم سالمون وغانمون والسلام .