[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة الجزلة للشاعر الكبير / سعد بن جدلان الأكلبي في الشيخ / ناصر بن حثلان العزة السبيعي وفقهما الله لما يحب ويرضى ويقول فيها :

نبدأ باسم الله وتكلتنا علـى الله=واحـد ٍ مـا يجبـر الخاصـات غيـره
نستعينـه فـي اللـزوم ونبتهل له=خاضعـيـن تـحـت قـدرتـه القـديـره
لايذيـنن فـي حمـاه وتحـت ظله=مؤمنيـن بالـقـدر شــره وخـيـره
الموكل في حساب الشأن كله=نستعيذه مـن غضبـه ونستجيـره
مـا يورينـا المهونـة والمذله=فـي عيـون الـلـي مخالبـهـم قصـيـره
القـلـوب الدالـهـات المسفهله=يحـسـبـون الـقــل لـلـرجـال عـيــره
يـا قصيـدي كـل مرقـاب تعله=فـي سـمـا عــز المصابـيـح المنـيـره
من سما بالمجد شعري سامي له=كل ما هب الصبا هاج بعبيره
طل مع نور المصابيح المطله=وارتفع في مجد الأسياد الشهيـره
مـا يدلـك للصحيـح إلا الأدلـه=وفـي نبـا حثـلان شعـري دق زيـره
سيد ٍمن سادات سبيـع الأجله=مسنـد أصحابـه وعـز ٍ للعشيـره
أرجح في المجد موروث محله=ما تهـز هـذه الصـب والمستثيـره
صـوّت لحثـلان بـن ناصـر وقل له=يـا ولـد مـن ينطـح وجيـه المغـيـره
يـا نـدي الـراح يـا زيـن الجبله=يـا جنـاب ٍمقدمـه يشـهـد لأخـيـره
يشهدون الناس والله شاهد له=من فزع له فزعته تبهج ضميـره
يا شنار الطيب ذكـرك مـا نزله=تسنـد الشكـوى وتنبـاح السريـره
يا سند من جاه في وقته شكله=تستعين به الرجال وتستشيـره
شيد المبنى على منسف وسله=لين رفرف بيرقه في كـل ديـره
لـو قديـم الهجـر وقتـه صافـي له=يـوم كـل ٍهومتـه تثبـت مصيـره
يـا لبيـب اللـي جنابـه مـا نمله=يـا سنـاد الـلـي هقاويـهـم كبـيـره
أكثر أهل الجود فعلك ما وصل لـه=والله إنـك معجـز ٍنـاس ٍكثيـره
المدايـح تستميـه وطـمـح له=يستـجـل الشـعـر ويـزيـن تعبـيـره
جامع ٍكل الخصال بطاعة الله=جعلها له من سفيـره فـي سفيـره

منقول وأنتم سالمون وغانمون وسالمون .