[ابو هريرة]

المشاركة الأصلية كتبت بواسطة عبدالله الشماسي

الاخوة الكرام
السلام عليكم ورحمة الله وبركاته وبعد

من انكر فريج فهو غادي، وانما ينكره جاهل او حاسد لـ آل ابوثنين وقطعا لـ عراقة الزعامة فيهم

فزعامتهم ليس من السبية وجاي انما اهي ابعد من والمصادر تذكر فريج الازرق فهو زعيم للحدارية في وقته

وهذا رابط الفرنسي فليكس مان جان في جريدة الجزيرة وفيها رد على من قال ان ابوثنين لم يعرف الا على زمن عساف رحمه الله فهذا الكتاب كان مؤلفه مرافق لحملة ابراهيم باشا عام 1233هـ

http://archive.al-jazirah.com.sa/2000jaz/dec/31/wo1.htm

وقد تسلست الامارة منه حتى وصلت لعساف

وعساف تولى شئون فريج وزعامة الحدارية بعد وفاته .

وفريج هو ابن عم والد عساف .

ومعركة طار السبيعي من المعارك العظيمة في تاريخ سبيع التي سطرها فريج رحمه الله وقاد الحدارية
لهذه المعركة قبل معركة السبية بعشرات السنين والحق ماشهدت به الخصوم

الحمدلله اننى اكتب فى منتدى قبيلة سبيع الغلباء منتدى الرجال الصادقين المخلصين للقبيلة وهذا ما حببني فية لانة عادل ولا يحجبون ما اكتبة او يكتبة الاخرون في حدود الادب مع الاخرين .

الاخ عبداللة الشماسي واللة العظيم ان كان فيه واحد غادي وجاهل فهو انت في هذا الموضوع بالذات وغيرة اللة ربي وربك وهذا الاسلوب ليس من اسلوبي لاكن انت بديت والبادي اظلم - او ان لك هدف سئ يمكن تبي تستفزني على امور يمكن اتهور واقولها ثم بعدين بتصلع الامور وبعدها بتعرف ان اللة حق ؟ كل كلامك غلط في غلط - مع احترامي لك ياعبداللة هذا شخص محترف او عدة اشخاص فقط لا يتعدون اصابع الايد الواحدة يحاولون يمررون هذا الكلام على الناس وعلى ناس بعد من ال ابوثنين ما يدرون عن شي والحقيقة اكثر ال ابوثنين يحشمون عن التزوير والكلام الفاضي - حتى الفرنسي فليكس مان جان مشوها عليك وكلة تزوير في تزوير قلهم عطوني الاصل اصل الوثيقة وينها او يعلموني وينها موجودة فية وانا اروح بنفسي واشوفها اصل الوثيقة انكانهم صادقين وفيها مشايخ القبائل ترا اعرف اكثر المكتبات في مصر - اما يحطونها في جدول ويكتبون على كيفهم ويبلغون الكاتب الشيخ فلان هو الامير وليتهم كتبو على الاقل فريج الازرق احسن لهم من فراج لانة ما يعرف اصلا الا بفريج الازرق - واسم ابوثنين ما كان موجود ولا يعرفون بة - ولو كان اسم ابوثنين دارج في ذاك الوقت كان ما سمي فريج الازرق سمي فريج ابوثنين وكان ما سمي عبيد بن دواس سمي عبيد ابوثنين وكان ماسمي مبارك الجبيري سمي مبارك ابوثنين وغيرة وغيرة ما تخلون الخرطي عنكم والكلام اللى ما يودي ولا يجيب وبعدين اسال نفسك ليش الامير / عساف ابوثنين والباقين لا - لان الحقيقة والواقع تقول ان الشيخة والزعامة واسم ابوثنين اسسها الامير / عساف ابوثنين اللة يرحمة ويغفرلة وحى على الفلاح - وبداية التزوير هو الاسم بالكامل وفي اعتقادي ان الهدف من الموضوع اسم ابوثنين انة يكون قديم وما همهم فريج الازرق لانهم عارفينة شخص عادي جدا - ولن استعجل الاحداث حتى اتاكد لكم - واشهدو على كلامي .

اخي الشماسي انت حطيت فريج الازرق انة قاد الحدارية والحدارية ما يقودهم مثل فريج توه جاي من الشمال يربط البهم - انت تعلمنا في تاريخنا يالشماسي اقول امسك ماك في سماك احسن لك واحسن للي وراك - والبل عندها اهلها - والقصة كلها بيضة ديك لفقت ولمعت وبقدرت قادر كبرت وصار لها زعامة وشيخة من لاشي ياسبحان اللة - صحيح من آمن العقوبة اساء الادب .

اسمع التحريف ما يجوز والتزوير ما يجوز لا يهمك ترتيب القبائل مرتبة في وقتنا الحاضر من اشخاص واصلين ويحطون الاسم بالكامل حتى يثبتو للناس اللي ما يدورن عن الوضع السابق ويصدقوهم - مثلك الان انت تقولي غادي لجل انهم لعبوا عليك بوثيقة مستعد احلف بالله انك ما شفت الاصل منها مجرد كلام في الجريدة بتلقين القصة وعشان كذا بقولك انت واللة اللي غادي اصلا ما تدري عن السالفة والهدف كلة .

اخي شماسي انكانك تقول ان الامارة تسلسلت حتى وصلت عساف طلبي منك الوحيد فصلها لي كيف بدات وانتهت ؟ يبدو ان الوضع مدروس ولكن هيهات وهيهات - نفسي اصوت على الاجواد واقول ياغافلين لكم اللة اصحو من نومكم والا اقول ما ينخاف عليكم انتم جبال ثابتة ما تنهزون وما تزعزعكم خفافيش الظلال - شخص او اشخاص لا وجود لهم .

لاكن اسمع يا اخ شماسي انت ومعك الاخ الغربي لا تزعلون علي اذا انكم مستأجرين حتى تمررون صحة القصة فهذا حرام عليكم وراح يجيكم عقوبة من وراها لان التزوير في التاريخ تعد جريمة - واذا نيتكم طيبة والهدف سليم اجل اسمعوني زين انا ابيكم تروحون لاشخاص من ال ابوثنين اللي عندهم ذمة وهذا الكلام قلتة للغربي ولاكن ماشاء اللة علية زكاهم كلهم وهذا دلالة على انة اعمى ما يشوف نعلمة الدرب ويصد عنة - المهم حطها في ذمتهم وشف وشيقولون لك وبعدين رد علي يا اخي لا تحكم على الامور وانت ما تعرف فيها شي .

واتمنى ان يدخل على هذا الموضوع ناس يهمها هذا الكلام اكثر مني ويبينون لكم الحقيقة لانهم بيكونون ابخص مني ومن الجميع بالنسبة لهم في ذاك الوقت وعندهم العلم اليقين - وللمعلومية انا دخلت بالصدفة واحسب ان الموضوع بينتهي ولقيت ان الغربي مواصل في تمريرة لهذا الموضوع وحبيت ان اوضح الحقيقة للناس .

الاخ عبداللة والاخ الغربي ما سالتوا انفسكم وين رواة سبيع وعرافها ما تدخلوا في الموضوع وابدو رايهم - تدرون لية لان عندهم ذمة وضمير سوف يتحاسبون عليها يوم القيامة ومنعا للاحراج اكيد يتفرجون من بعيد لاكن اذا سألتوهم بتلقون الرد الاكيد انا متاكد من ذلك .

يالشماسي ال ابوثنين لهم تاريخ مشرف وبطولات ترفع الراس ومن شيوخ سبيع في الوقت الحاضر ولا انكرنا هذا الشي تدري لية لانة صحيح مائة بالمائة وانا ما اعرف الحسد وليس لة درب علي ولكن انا شخص مستقيم ما احب الكذب والتسوييف احب الصدق ولا اخاف في الحق لومة لائم وبعدين انا دارس في القاهرة من كم سنة ولفيت هناك على المكتبات اذا كان عندي وقت واحتفظ بامور سوف اخبركم بها لاحقا من بداية الدولة السعودية الاولى حتى الثالثة مليئة بالاحداث - وانا اخترت اسم ابو هريرة تقليدا بالصحابي الجليل رضي اللة عنة ولا اكتب ولا ادخل في موضوع الا دارسة وعارف انة صحيح ما هو مثل ما تصورة اخونا مخايل الغربي اللة يسامحة _ وزعامتهم من عساف واولادة وغيرة الفلاح انكانك تبي العلم الاكيد - واذا انك لازلت منت مصدقني خشمك معك والصلاة قدامك .