[خيَّال الغلباء]

يا سعود قلبي حده البعـد والشـيـن
= وأنا علـى قـلبي كثيـر الحسايــف

لا قـلت زانـت يا سـعوط المــجانيـــن
= عـادت غـرابيل السنـيـن العجايـف

ميـلات بـقـعـاء ساوت الحـر بالقين
= ليـن اسـتحل البـوم وكـر النـوايـف

قشر الزمـن قاد المعرب علـى وين
= عـوجات بقعاء تسـتحق الخــوايف

دنـيا تلـوعنا علـى الشـين والزيـن
ولو زانـت احـذر مقـبلات الصـدايف

ما يـامـن الـدنـيـا رجــال حـكـيميـن
= دنـيــا دنــيــه معـتــريها صرايـف

عـسفت قلبي عسف مهـر الميادين
= لين انثـنالي وأصبح الجرح كايف

مير البـلى لا زادت الجـرح جرحــيـن
= دنـيا العـنا زادت جــروح نــزايـف

والـلـه مـن قـلب غـدا فـيـه هــمين
= هــم سـطـى به مثـل زرق الشـلايـف

والـهم الآخــر فـطـر القـلب نصفين
= وا قلبي ياللي من عنا الوقت حايف

شربـتـلي فـنجـال ثـار البـعـيديـن
= يوم انتـخوبـي شلت جل الكلايف

ما نـنـثـني لو جـود الحـبل جيشين
= حـنا هـل الطـولات والـكل شـايف

تشهد على العليا صروح الأبو اثنين
= تـاريخنا بالـعـز مضـرب وصـايف

ربـع لهم في صفحة المجد تـدوين
= سـعد الوجيه المحـتمين الحلايف

يا سعود من خان اللسان الزم الدين
= واللي يصـونه ما تـحـقه ضعايف

خـبـل تـوهـق مـا فـطن للـمسـمـين
= الاسـم بـارز يـا عـديـم النـصايف

الـكـل مـنهـم شاهــد له مصـليــن
= من صـلب شيخان القبايل سلايف

سـلطان قوم وقــايد له ســلاطـين
= ما يـنـثـنـي دون الدنـيه صـلايف

كـفــة مـوازيـن المـراجل مزابــين
= للي يشوق الطـيب ما هو بزايف

واختامها شـاعر وعنـدي براهين
= من فضل ربي نلت بيض الصحايف

جزاك الله خيرا وإن شاء الله ستجد من يجيبك .