[خيَّال الغلباء]

بسم الله الرحمن الرحيم

مـرقـا الـعـلا خـطر عـسيـر صـعـوده= ما يطلعه من لا تـجلـد عـلى الـكــود
والـبـيـت مــا يــبـنـى بـلـيــا عـمـوده=والحيف يزعل من عن الحق مـردود
والـحـر يــجـزع يــوم تـوطـا حـدوده=وتشرهه نفسه على الطيب والزود
ولا يـشتكي مـن لا تـضـره لـهــوده=إن شاف جور الحيف والعدل مفقود
والـوقـت شـفـنا كل بيضـه وسـوده=وشـفـنا نـهـاره مـع لياليه مـضـهـود
والغيم لو تسمـع صـواعـق رعــوده=لا مـمـطـر وبــل ولا هـو بمـريــود
يـا مـدوريـن الـطيـب قـيسوا عـدوده=والـطـيـب عـد بـيـن الأجـواد مـارود
والناس بأرض الله تراهم شهـوده=وحق بلا فعل على الرجل مـجحـود
والـنـذل حـيـلات الـردى مـا تـكوده=وإليـا بـغـا الطولات ما يدرك الجــود
عـن الـمـراجـل قــاصـرات زنــوده=طيـر العـشـاء يصـبر على كل منقود
الخـيل ما تشكي مضاريب عـوده=وبالقيض ما ركب النضا مثل صاهود
يـعـيـش في دنـيـاه هـمـه رقوده=ولا نـفـضـنـه قـرح الـخـيـل والـقـود
لعـل رحـمـه خـالـقــه مـا تـعـوده=وعساه مـع زمـرة هـل الـنار بخلود
هـذا زمـان هــايــبــات فــهــوده=والناس نادوا عنتره باسم مـسعود
وأشـوف لـي رجـل يعدد جدوده=لو إن أبوه وجده أضـعف من الـدود
كلت من الماطا رواسي حيوده=والـبـوم شـاش ولابـس درع داوود
والنيص حط لهامه الراس خوده=عـقـب المـذله له طـوابـير وجـنـود
مـا كن شي فـي زمانه يكــوده=شاهد بـها الدنيا سلامـات وركـود
وحتى الغراب اليوم يفخر بجوده=والـفـار بـذراعـه قـطـع كـل بالـود
والشري والحرمل تباهت وروده=وقامت تشيل غصونه الماس وعقود
يا حسين زانت له ليالي سعوده=وصـدق حيـاه بـزايد الوبل ورعود

منقول وأنتم سالمون وغانمون والسلام .