[خيَّال الغلباء]

بسم الله الرحمن الرحيم

أخي الكريم / السلام عليكم ورحمة الله وبركاته وبعد : شكرا لك على القصيدة وصح لسان الشاعر ورحمه الله :

مع السلامه ما لنا غير فرقاك = والله مالي في موادعك قدره
الله يسمّح درب مثلك وشرواك = والقلب خله عند الايام عذره
إن ما قدر يصبر تسليه ذكراك = لو كان في بعض التفاصيل قبره
وإن جادت الأحلام فينا وشفناك = هي عبرةٍ تقفي على درب عبره
أقفت تنشد عابرٍ عن مطاياك = اللي لها بين الزمانين هجره
تاقت وطاحت مالقت في زواياك = إلا حنينٍ شلّع القلب جذره
قلبٍ يفيق وينشد الصبح وش جاك = وأثرك ناوي من ورى العام هجره
تبي الحقيقه جعل ما جاك يفداك = والرجل ما يجبر على فج صدره
أما تجي برضاك ولا تركناك = أرحل وأنا أدري ما بقى غير شعره
بين الوداع وبين شوفت محياك = والقلب ما هو سلعةٍ وسط كبره
تبي تسلابي على جرف دنياك = صخرٍ تساويني على حد صخره
ما ني صغير أمك ولا من رعاياك = لو شفت دمعي ينسكب وقت غدره
هذيك عبرة شايبٍ عاف ممشاك = من جاه يشكي ضنوته قال بصره
خلوه يسرح بين ذولا وذولاك = وإن مت خلوني على باب قصره
خطو على التابوت هذي ضحاياك = وعساه يقنع بارك الله نصره
وإن شافوا دموعك على حلق شباك = ما هي محنّه وأغلب الضن فطره
أدخل على اللي بدعك في شفاياك = الرجل وش قدره ليا فج صدره
مع السلامه ما نبي غير فرقاك = دام أنت مقفي ما لنا فيك قدره

الصـــــــــــــــــــــــــــــــــــــــــــــــ يا عذب ـــــــــــــــــــــــــــــــــــــــــفات