[الطنيان]

السلام عليكم ورحمة الله وبركاته
مساء الخير ان كنتو في المساء
صباح الخير ان كنتو في الصباح
هاذي اول مشاركة لي في القصيد وقلت خلني ابدا بشي كفو
وهالقصيده لسعد بن جدلان الاكلبي واتمنى انها تعجبكم :





لا يالله ياللي تحـت هيبـة سلطنتـك أسلمـت
لك المسلم يسبح لك بحمـدك وإلـك الإسلامـي
أحمدك ؛ وأشكرك ؛ وأثني عليك بما علي أنعمت
وزدني في وفا بر العشير ووصـل الأرحامـي
ولهت الفجر ياليل الذهول اللـي علـي أظلمـت
بعرضك واقع الذكرى عليه عـرض الأفلامـي
وولهتك يالنديم اللي على صافي وفاك أضرمت
بصفحة ذكريات العام واللي مـن ورى العامـي
عطتني عزلة إخلاصي معك نسيان من نادمـت
كتبتك وإنطوت صحفي عليك وجفـت أقلامـي
بعد تقرير مشوار التجارب نجحـك وأجزمـت
بأن السيف سيفي والعصـا والمحـزم حزامـي
أباهي ؛ لا أبالي ؛ وأتبيسـط كـل مـا قدمـت
أشـب النـار قـدام العـرب وأشيـد خيامـي
نهاري : حر شمسه ؛يستحي منها لسان الشمـت
وليلي ترجم نجومه ملامـة كـل مـن لامـي
على ضو الكلام اللي كشف عنا ستار الصمـت
وعرفت إن به وجيه باليمن ووجيـه بالشامـي
أحسب إنك تيمم باتجاهـي ويـن مـا يممـت
أثر لا أنته ورايه بالطريـق ولا أنـت قدامـي
وكثر ماحن صدري للونيس وكثـر مادرهمـت
فجع صدري حنيني وأتعـب الأقـدام درهامـي
مصيبة لاتردت قيمتك في عيـن مـن قيمـت
يشوفك بالسهل وأنته تشوفـه بالسمـا السامـي
مادام إن جانبي شام لجنابك وأنت عنـي شمـت
كثر خيرك ؛ وأنا لانيب لاجايـع ولا ضامـي
أشوف إنه علـي واجب؛إليـا مريتكـم سلمـت
مرور كرام تربطها الكرامـه عنـد الأكرامـي
على شان الخفوق اللي على عرشه قعدت وقمت
وحجب عنك الدجا لين اشرقت لك بيض الأيامي
مصير الوقت يشرح لك ظروفه لاغفلت ونمـت
يصحيك الزمان اللي يصحي كـل مـن نامـي
وتعرفني لمنها ضاعت أوهامك بمـن وهمـت
وعرفت الفرق في حب الخشوم وحب الأقدامـي
ختام السالفة ياطيب العشـرة كرمـت ودمـت
هذا حقك علي وحق شرهاتـي علـى أوهامـي


/.سعد بن جدلان الاكلبي./