يابن سعدون اليك القصيده
وسبيع الغلباء في غناء عن التزوير والتلفيق ... أحمد الله أن مجدنا مشرف
ولاهي غريبه على ربعنا ان يغلبو ثلاثه الف أخي أطلق على سبيع الغلباء لكثرة غلبهم
فهم مشهرون باالكر والفر والثبات في مواجهت الاعداء ... ووانتم ونعم بكم .. لكن كثر الكلام على سبيع
وكثرو الحساد الذين يحاولون تقليل من شأن قبيله من أكبر قبائل الجزيره وهي سبيع ابن عامر
لكن مايهمناء فعلناء يطلق وجيهنا يوم بعض الناس فعله مايطلق وجه ....
يقول سعد بن جاسر الجبور السبيعي ... في المعركه مع جيوش المنتفق
عمريةٍ جيناك من قلعة النيا"=" جينا على عشرالركاب ارداف
جينا مع زيزا حمادٍ متاهه"=" على صيّعرياتٍ صغار خفاف
شرف رقيبتنا بما بان فدمنا"=" وجانا معيفٍ هايله ماشاف
يقول قومٍ يرعب القلب كثرهم"=" للي يوقمهم ثلاث آلآف
غاروا علينا يوم شافوا قلنا"=" وردوا حيام وصدرو عيّاف
تهيالنا في بنقرة سنام دويسه"=" يشبع بها ذيبٍ جراه اضعاف
نقرة سنام لاسقاها وبل الحيا"=" ولانزفت عقب الحقوق عذاف
ياكن تعالجناليا ضيقوبنا"=" معالج سباعٍ شاعهن علاف
وياكن وقيد ارماحنا بيماننا"=" سعيرة ضوء وسط غابة غاق
اباامدح علي وابن نومان هاجد"=" وحمد لنا في الضيق مثل سناف
ذبح ثمانٍ قبل تبرك ركابنا"=" عسى تعدا عمره الإتلاف
حمد ومنصور ظفرانٍ في اللقا"=" ضياغمٍ في الهوش ولأشراف
والوائلي ناصر سراع عثايره"=" من بندقه ساق الحصان أشظاف
ويانعم ياولد الكبودي عامر"=" يستاهل اللي له ثمان ارهاف
الجادل اللي كالقراطيس خدها"=" وقرونها لاجا الجليد الحاف
وعبيد المنعور طعّان بالقنا"=" ماكنه إلآ بيننا وّقاف
واخذ بجران من الربع وشطره"=" حرٍ بدا في عالي المشراف
حيث ان بجرانٍ ليا ضيقوا بنا"=" له بندقٍ ماخانها الشّواف
وليا تشابك بيننا الحد والقنا"=" يبين فعله صامل الميقاف
بداحٍ وبجرانٍ صناديد لابه"=" عيال عمرٍ فعلهم ينشاف
واللي بقوا ماقلت عن وصف فعلهم"=" لهم من البيضاء ذراً وللحاف
حنا نطحنا النتفق قوم ابن ثامر"=" وظفران ماصدوا لها محراف
ياكثرهم وأنا على عشر حزب"=" احمدك يامنجي من ألأصداف
نطحناهم بمخيراتٍ تنثر الدما"=" وعيال عمٍ فعلهم ينشاف
وخسّرناهم مايه وعشرين سابق"=" وتسعين رجلٍكلهم عرّاف
بلوقم وإلاماقدرنا نعدهم"=" في ساعةٍ ضيق والرياق انشاف
ياكن جثايا الخيل في ملعب النضاء"=" هشيم تذريه السيول ارداف
ياضبعةٍ بالزور عرجاً برجلها"=" ترالك بين الروضتين اجياف
كله لعيناحرةٍ من جيشنا"=" ظهرنا منها بالوجيه انظاف
تسعين سيفٍ علقن في حقبهن"=" مسلّلاتٍ مابهن اعلاف
ياطارشٍ منا لاجيت ابن ثامر"=" يلبسهم عقب التّرام اغداف
حنا بني عمر سلالة عامر"=" قومٍ على الكايد ماهم بخفاف
هرج بلا فعل يقودك على الردى =والهرج عيب كان فيه خلاف
تمت وصلى الله عتى سيد البشر = اعداد ما حج الحجيج وطاف
المرجع ::/سوالف الطيبين للكاتب
عبدالله الحضبي السبيعي
تحيايا
اخوك / ابن هليمه