[عيسى السبيعي]

يالله ياشافي المرضان تشفيني=مهوب انا خص لكن تعلم وتدري
كل البشر لو بغت تشفيه وتعيني=من دون قدرتك لاتشفي ولا تذري
نطلبك واذنوبنا كثر الملاييني=واذا لفيناك مانلقى لها العذري
اشكي لك الضعف وأرجيك انك إتعيني=ولولا الرجا فيك مانطلبك من بدري
وياعين هلي خزين الدمع ياعيني=وش تنتظر ياخزين الدمع فالحجري
وان كان مافضت لجله وش تبي فيني=مانيب باغيك دامك دوم مستذري
والله ماخزنك هذاالوقت والحيني=اني لفك السدود ولأتركك تجري
وياقلبي الله يجيرك لاتعننيني=تراي مما بفكري ضايق صدري
مافيه فالغرب وألاشرق فالصيني=ألا وله في حلاها ذاري يذري
لكن يارب عفوك والعفو زيني=وايضا مع العفو ياربي نبي الستري
وصلاة ربي عدد جمع المصليني=على احمد الهادي المختار فالقبري