[ابو مترك]

	لعل السحاب الي يشوق النظر منشاه*** خياله يخلي ضايق الصدر منشرحي ليا اقبل ترزم عقب ماباارقه حياه ***وربان ماه بمقدمه سُبح ٍ طفـــــــــــــــــحي تدفق سيوله قدم ربانه ابممشاه*** تشوف بغوارب سيله السدر والطلــــــــحي ليا زل له يومين شفت الدبق يتلاه ***وريح الرجع ينفح مع نسمته نفحـــــــــــي ليا زل له عشرين ليله ذكر بادناه *** يقولون عشبه مختلط كنه القمـــــــــــــحي تشوف العروق الحمر بالخضرة مغطاه*** يقولون راعي الذود مستانس وسمحي يعل الشعيب الي مضى مدة ماجاه***عقب خظرته شفته من الوقت منلفــــحي من العرق عرق سبيع حتى الضنط باقصاه*** ديار ٍ حمتها شذرة السيف والرمحي على رنية الفيحاء خياله ليا خلناه ******* تزبر مخيله في سماها من الصبحي ويرخي على نجد المسمى وينثر ماه***مداهيل سود البل مع الصفر والوضـــحي ويعم الجزيره لين كل الدبش يرعاه*** بأمر الولي مقدر الحزن والفـــــــــــــــــرحي