[خيَّال الغلباء]

يا تـلّ قلبـي تـلّ غـربٍ ربـع سانيـه
= ما عيّن منه غير العراقي بـراس أرشـاه

على أبو دليقٍ فوق دمث النحـر كاسيـه
= حمار وبياضٍ يشبـه النـوّ مـن منشـاه

أتشعشع أخلـول البـدر لا فرقّـه بيديـه
= يشادي الضباب اليا تعدى القمـر غطّـاه

على عود موزٍ جاريّ الما مـع ساقيـه
= وزودٍ علـى زمّـة نباتـه قـراحٍ مــاه

الا واعيون الليّ كشـف برقـه راعيـه
= يتلّ السبـوق وقـام راع الولـع يشعـاه

الا يارسولـي بلغّـه ماقـدرت أجـيـه
= سلملي عليـه وخـذّ سلامـه وعطنيـاه

لاقالـوا تحبّـه قلـت ماعادنـي بأبـيـه
= وأنا أشفى له أشفا من سقيم المرض لدواه

أقويّ عزومي كـنّ معـاد عنـدي فيـه
= وأنـا والله انّـي مونـسٍ البـلا وأكنـاه

عروق الحشى ماتنبت الاّ علـى طاريـه
= تنامى على قربه وتهجـر علـى فرقـاه

فترى من يعذل مولعٍ من هـوى غاليـه
= مثل من يحاول يعدل السيل مـن منحـاه

فأنا شفت ناسٍ صلحوّ فالهـوى تشويـه
= لا عيّن وليفه مخلـصٍ كـلّ يـومٍ جـاه

لوّ إنّ الهوى ذا لنوع محـدٍ تعـذّب فيـه
= كل اهتنى فالحبّ حتى الطلـي والشـاه

وله أيضا :

يا عيون اللي على المرقب تعـلاّ
= ما يرب إلا المراقيـب الطـوالا

طرتّك منها غثاء البـال يتجـلاّ
= نعـسٍ ما بينهـا بيـضٍ تــلالا

تذهل إلّي في جواهرهـا تحـلاّ
= وا هني من ذاق من ريقـك زلالا

لا وجاه الله ومنّ زكّـى وصـلاّ
= ما نبيك الاّ علـى السنّـه حـلالا

ما يرّد الجوع شخبٍ في المفـلاّ
= ولا يخضّ السعن من ذوده هجالا

أنـت غالـي ياوليفـي لا تغـلاّ
= يثبت اللـيّ بيننـا أيـامٍ طـوالا

واللهّ انّي ميسٍ مـن وصلـك الاّ
= فزعةٍ مـن ربنـا جـلّ وتعـالا

أدخل الضولات من شان أتسـلاّ
= كود جرح القلب يبرى ويتشـالا

والمجنّب مـن الأوادم مايخـلاّ
= لا سلم من شرّ ذولا جـوه ذولا

منقول وأنتم سالمون وغانمون والسلام .