[ابن بداح]

أعزائي الكرام من قصايد المناسبات وقد قلتها في من يستاهل وهي بمناسبة تخرج الاخ / راجح بن فيصل بن جروه برتبة ملازم بالقوات المسلحة وليا صار شيخ وضابط أكيد يستاهل القصيده
أمل ان تحوز على رضاكم مع التنويه البسيط الاتي :

قلت
شيوخ صامل لاقرينا السجلي= راجح بعد ماجد وهاجد وشباب
طبعاً المقصود الصمله أهل الوديان بدون قصور بالاخرين :


[poet font="Arabic Transparent,4,blue,bold,normal" bkcolor="transparent" bkimage="backgrounds/16.gif" border="double,10,gray" type=0 line=350% align=center use=ex length=0 char="" num="0,black" filter=""]





أعداد همال مزونه تهلي "=" بكور وسم ياخذ اسبوع سكاب
يامرحبا وابداء بقاف يسلي "=" من هاجسٍ وقت المحاظير ما غاب
قالوا تمون وقلت ارحب واهلي "=" بالحاظرين من الرفاقه والاجناب
عند ال جروه واعتبر في محلي "=" شيوخنا وأنا لهم درع وحجاب
شيوخ صامل لاقرينا السجلي "=" راجح بعد ماجد وهاجد وشباب
واللي لحقه الشك جعله يولي "=" الجهل والتضليل من طبع الاعراب
والمحتفى به بالحفاوة يجلي "=" وبيته مشيد فوق عمدان واطناب
راجح ولد فيصل ولد هاجد اللي "=" قاد الجموع وضد الاخصام ما هاب
يقلط على وضح النقا ما يذلي "=" اليا جنح كل اتكالي وهياب
سقم العداء حامي عقاب المتلي "=" زين النبا سهل التعامل للاقراب
باسماء صفاة المؤمنين متحلي "=" صادق كريم اخلاق ماهو بكذاب
وابوه قبله مثل نجمٍ مطلي "=" بين الكواكب يجذب انظار وأعجاب
ماجد ومجده في الطوال متعلي "=" لقب بخيال الطرف بين الالقاب
من صغر سنه للامور متولي "=" قاد القبيله واقبلت معه الاشباب
بحماه يترك ذود مطلق يفلي "=" من حيث مايرتع على كيف ما طاب
من عطفة الوادي ليا غرب سلي "=" ترعى وتبني نيها كل حنزاب
ابواردي ٍ كاهله ما يكلي "=" اسمه وفعله هز عكفان الاشناب
وجاب الامير البارز المستقلي "=" اللي تعرفونه ويحسب له حساب
شباب مدحه فالملا ما يملي "=" ابو سعد للمدح والشعر جذاب
راع القبال الزاهي المسفهلي "=" صياد جزل الهرج حلال الانشاب
مدحه ولو تحت الثرى جايزٍ لي "=" لا ظالمٍ نفسي ولاني بنصاب
من عانق اعجابي حسبته أخولي "=" واهديت له صدق المشاعر والالباب
ومن شذ تفكيره ماهو صاحبٍ لي "=" يلقى بنفس الصنف خلان واصحاب
وليا نظرت لماركة بامجلي "=" يطلع لها غيري مسوق وجلاب
عن اقتناعي ما نويت التخلي "=" مهما يكونن الموانع والاسباب
شعري وتاييدي وعلمي وكلي "=" للحق والانصاف واسلوم الاداب
والكامل الله والبنادم يزلي "=" قال المثل ما كل من يجتهد صاب
أحدٍ يدل الدرب وأحدٍ يضلي "=" طبع البشر من عصر ابو زيد وذياب
والنور يطلع والظلام متجلي "=" والامر للفرد الصمد رب الارباب
والهرج له زبده وماقل دلي "=" لو العلوم كثار والقاف ما شاب
وختامها صلوا مثل من يصلي "=" على الرسول اللي هزم جمع الاحزاب


وسلامتكم

مفرح بن بداح السبيعي


[/poet]